COVID-19-ǵa qarsy vaktsınatsııaǵa baılanysty álemde bala týýdyń tómendegeni baıqalady - feık

NUR-SULTAN. QazAqparat - Áleýmettik jelilerde álemde COVID-19-ǵa qarsy vaktsınatsııaǵa baılanysty týý kórsetkishiniń tómendegeni baıqalady dep jazyldy. Alaıda, bul - jalǵan málimet, dep habarlaıdy QazAqparat stopfake.kz saıtyna silteme jasap.

Aqparat kóziniń málimetinshe, týýdyń tómendeýi – bul bolyp turatyn álemdik úrdis. Ol 1950 jyldardaǵy baby-boom-nan keıin birden bastaldy. Sodan beri álemde ortasha týý kórsetkishi jyldan jylǵa turaqty túrde tómendep keledi. Bul rette bala týýdyń eń tómen deńgeıi 1989-1993 jyldar aralyǵynda baıqaldy.

«Bul úrdis birden birneshe faktormen túsindiriledi: bilimniń qol jetimdiligi, ómir súrý deńgeıiniń joǵarylaýy jáne onyń uzaqtyǵy, kontratseptıvterdiń bolýy jáne áıelder emansıpatsııasy. Vaktsınatsııa men jer turǵyndarynyń jalpy densaýlyǵy bul úrdiste mańyzdy ról atqarmaıdy. Degenmen, bala týý kórsetkishi kúrt tómendedi dep aıta almaımyz. Post avtory mysal retinde keltirgen Germanııada 2021 jyly, kerisinshe, týý kórsetkishi 1997 jyldan beri alǵash ret ósken», - delingen saıtta.

COVID-19-ǵa qarsy vaktsınalar bala týý qabiletine teris áser etedi degen teorııa – birneshe ret teriske shyǵarylǵan feık. Vaktsınatsııalanǵan erler men áıelderdiń urpaqty bolý qabiletin joǵaltpaıtynyn dáleldeıtin ǵylymı zertteýler bar.

Osylaısha, taratylǵan aqparat – vaktsınatsııaǵa qarsy adamdar belsendi túrde nasıhattap júrgen vaktsınatsııa týraly mıf pen álemdik tendentsııany qate túsindirýge negizdelgen feık.