COVID-19-ǵa qarsy vaktsına belgııalyqtarǵa karantındi jeńildetýge múmkindik berip otyr
Osy ýaqytta 7 mln 796 myń belgııalyq koronavırýsqa qarsy vaktsına aldy. Bul el halqynyń jasy 18-den asqan turǵyndarynyń 80 paıyzy.
«Búgingi tańda eresek 10 adamnyń segizi vaktsına alǵan Osylaısha, biz «jazǵy jospardy» asyra oryndadyq jáne bıylǵy jyldyń 1 qyrkúıeginen bastap, bostandyqqa mańyzdy qadam jasaımyz»,-dedi Belgııanyń Premer-Mınıstri Aleksandr De Kroo.
El úkimetiniń janyndaǵy Konsýltatıvtik komıtettiń (sarapshylar) kezekti otyrysynda 1 qyrkúıekten bastap tómendegideı talaptar engiziletin bolady:
- Kafe men meıramhanalarda sanıtarlyq talaptar jeńildetiledi. Tek zalda júrgende ǵana (dárethanaǵa barǵanda, stoldan stolǵa aýysqanda taǵy s.s.) maska taǵý mindetti. Ózge shekteýlerdiń barlyǵy alyndy. Buǵan qosa qoǵamdyq tamaqtaný oryndarynyń jumys ýaqyty karantın talaptarymen rettelmeıdi;
- túnde isteıtin dúkenderdiń jumys ýaqytyna shekteý qoıylmaıdy;
- otbasylyq sharalarǵa keletin adamdar sanyna shekteý joq;
- belgııalyqtar endi úıine qansha adam jınasa da ózderi biledi.
- Flandrııada endi qashyqtan jumys isteý usynylmaıdy, al Brıýsselde bul usynys áli kúshinde;
1 qazannan bastap, túngi klýbtar jumys isteı beredi;
Turǵyndar mindetti túrde araqashyqtyqty saqtap maska taǵýy tıis qoǵamdyq oryndardaǵy (qoǵamdyq kólik, stantsııalar, dúkender, kitaphanalar, sot, dinı uıymdar) sanıtarlyq normalar saqtalady.
Sondaı-aq Belgııa Premer-Mınıstri eldiń barlyq óńirleriniń ákimshilikterin halyq sanynyń keminde 70 paıyzynyń vaktsına alýyn qamtamasyz etýge shaqyrdy.
«Adamdardy neǵurlym kóbirek vaktsınalaý úshin maqsatty sharalar qoldanylady»,-dedi A.Kroo.
Arnur Rahymbekov