COVID-19-ǵa qarsy vaktsına alǵandardyń aýrýhanaǵa túsý qaýpi 10 ese tómen – amerıkalyq ǵalymdar zertteýi

BRıÝSSELЬ. QazAqparat – Tolyq vaktsınalanǵan adamdar (eki komponentin de alǵan) COVID-19-dan 11 ese az óledi jáne aýrýhanalarǵa 10 ese az túsedi. Mundaı derekter AQSh aýrýdy baqylaý jáne aldyn alý ortalyǵynyń (CDC) apta saıynǵy esebinde keltirilgen, dep habarlaıdy QazAqparat menshikti tilshisi.

AQSh ǵalymdary 2021 jyldyń sáýir-shilde aılary aralyǵynda 13 shtatta jáne iri qalalarda COVID-19, aýrýhanaǵa jatqyzylý jáne ólim-jitimniń 6 myńnan astam jaǵdaıyn zerttedi.

Zertteý kórsetkendeı, vaktsına almaǵan adamdardyń tolyqtaı ekpe alǵandarǵa qaraǵanda koronavırýs juqtyrý múmkindigi 4,5 ese, aýrýhanaǵa túsip qalý múmkindigi 10 ese jáne aýrýdan qaıtys bolý qaýpi 11 ese kóp.

Aq úıdegi brıfıngte CDC dırektory Roshel Valenskı bul málimetter vaktsınatsııanyń COVID-19 aýyr asqynýlarynan qorǵaıtynyn kórsetip otyrǵanyn atap ótti. Sonymen qatar, AQSh Aýrýdy baqylaý jáne aldyn alý ortalyǵy Delta nusqasy AQSh-taǵy vırýstyń negizgi shtammyna aınalǵanyn anyqtady.

Ortalyq AQSh prezıdenti Djo Baıden COVID-19-ǵa qarsy jańa strategııany jarııalaǵannan keıin málimdeme jasady, oǵan 100-den astam qyzmetkeri bar kompanııa qyzmetkerlerin ekpe alýǵa nemese apta saıyn test tapsyrýǵa mindetteıtin sharalar kiredi.