COVID-19-ǵa qarsy reseılik vaktsına júktilikke áser etpeıdi – zertteý nátıjesi
«Koronavırýsqa qarsy vaktsınany qosqanda, qandaı da bir vaktsınanyń áıelder men erkekterdiń uryǵyna áser etetinine eshqandaı dálel joq. Koronavırýsqa qarsy reseılik vaktsınalardyń urpaqqa áserin baǵalaý boıynsha kerekti synaqtar ótti, eń aldymen synaq zerthanada janýarlarǵa jasaldy. Jaǵymsyz saldary anyqtalmady», - delingen dúısenbi kúni Rospotrebnadzordyń saıtyndaǵy habarlamada.
Vedomstvoda koronvırýsqa qarsy ekpe alǵannan keıin júktilikten qashýdyń qajeti joq ekenin naqtylady.
Sonymen qatar Rospotrebnadzor COVID-19-ǵa qarsy kez kelgen vaktsınanyń adamnyń DNQ-syna áser etpeıtinin jáne onymen árekettespeıtinin túsindirdi.
«Vaktsına aǵzanyń ımmýndyq torlaryn koronavırýstyń genetıkalyq materıalynyń fragmentterimen tanystyrady, tanystyqtan keıin vırýstan qorǵaýǵa baǵyttalǵan antıdeneler óndirile bastaıdy», - delingen saıtta.
