COVID-19: Eýropol vaktsınalarǵa qatysty alaıaqtyqtan qaýiptenedi

BRıÝSSELЬ. QazAqparat – Uıymdasqan qylmys álemi koronavırýsqa qarsy vaktsınatsııany ózderiniń qylmystyq maqsattarynda paıdalanyp ketýi múmkin. Mundaı eskertýdi «Evropol» Eýropalyq odaqtyń quqyq qorǵaý vedomstvolarynyń basshysy jasady, dep habarlaıdy «QazAqparat» HAA menshikti tilshisi.

Evropoldyń atqarýshy dırektory Katrın de Bolldiń sózinshe, eýropalyq organ EO-ǵa múshe elderge halyqty vaktsınalaý kezinde asa qyraǵy bolý kerektigi jóninde eskertý joldaǵan.

«Qylmystyq toptar vaktsınaǵa qajettilikti óz múddelerinde paıdalanyp ketetinine qatysty naqty qaýip bar», - dedi K.Boll.

Eýropoldyń boljaýynsha, qaskóıler psevdovaktsınalardy satýy múmkin. Sońynda tapsyrys berýshi zardap shegedi.

«EO aýmaǵynda qoldanýǵa ruqsat etilgen Pfizer vaktsınasynyń tasymaldanýy qatań túrde rettelgen jáne ol jergilikti polıtsııanyń ilesip júrýimen júzege asyrylady. Sondyqtan, qylmyskerlerge ony qolǵa túsirý qıynǵa soǵady. Alaıda, bul olardyń áreketterine tosqaýyl bola qoımas»,- delingen aqparatta.

Koronavıýrsqa qarsy álemdegi alǵashqy vaktsına Pýýrs eldi mekenindegi Pfizer kompanııasynyń zaýytynda shyǵarylýda jáne jerústi transportymen Eýropa boıynsha jetkizilýde. Medıtsınalyq preparatty tasymaldaýdaǵy talap -70 gradýs temperatýrany saqtaý.

Buǵan deıin habarlaǵanymyzdaı, osy aptada Eýropanyń 7 elinde koronavırýsqa qarsy egý bastaldy.

Keshe Germanııada vaktsınany alǵashqy bolyp 101 jastaǵy keıýana aldy.

Sondaı-aq vaktsınalardyń alǵashqy partııasy Frantsııa men Nıderlandyǵa jetkizildi.