COVID-19: Elordada 75 adam reanımatsııada jatyr
«Qaladaǵy epıdemıologııalyq jaǵdaı áli de qolaıly emes. Kovıd juqtyrǵandardyń sany qańtar aıynyń basynda 5 myńnan 300-ge deıin tómendedi. Kórsetkishterdi jaqsy dep ataýǵa bolmaıdy. Degenmen, syrqattanýdyń birshama azaıǵany bar. Búgingi tańda kovıdtik statsıonarlarda 531 patsıent em alýda, ınfektsııalyq tósek-oryn júktemesi 30 paıyz tóńireginde. Biraq, ókinishke oraı, reanımatsııadaǵy tósek júktemesi áldeqaıda joǵary – 50 paıyz. Statıstıka kórsetip otyrǵandaı, aýyrlyǵy ortasha dárejedegi gospıtalızatsııaǵa patsıentterdiń qysqarýymen aýyr jáne óte aýyr naýqastardyń sany azaımaıdy. Búgingi kúni reanımatsııada 75 adam bar. Onyń ishinde 19-y ókpeni jasandy jeldetý apparatynyń kómegimen tynys alyp jatyr», - dedi Tımýr Muratov elorda ákimdiginde ótken brıfıng barysynda.
Onyń atap ótýinshe, reanımatsııalyq tósek-oryndarda ómir úshin kúreste jatqandar kóbinese úıde ózin-ózi emdeýmen aınalysqan nemese jeke klınıkalardan dárigerlerdiń nusqaýy boıynsha antıbıotıkter qabyldaǵan.
«Kóptegen patsıentter PTR-testileýden ótpegenin de moıyndaıdy. Tanys dárigerlerdiń usynǵan ádisimen emdelýdi sheshken. Munyń bári jaǵdaıdyń nasharlaı bastaǵanyna jáne olardy aýyr jaǵdaıǵa ákelýine sebep boldy. Turǵyndardan mundaı medıtsınalyq kómekke júginbeýdi ne úshin ótinip otyrmyz? Sebebi jeke medıtsınalyq uıymdardyń qyzmetkerleri hattamaǵa sáıkes koronavırýsty emdeý nusqaýlary boıynsha oqytylmaǵan. Jeke klınıkalarda sizderge emdeý úshin dereý kúshti antıbıotıkterdi, keıbir gormonaldy preparattardy usynady. Bul - durys emes. Biz bolsaq, dárigerlerimizdi osy baǵytta oqyttyq, biliktilikterin arttyrýdy jalǵastyryp kelemiz. Sol sebepti azamattardyń nazaryn osy mańyzdy suraqqa qaıta burǵym keledi. Koronavırýsty ınfektsııany emdeýde biliktiligi bar qalalyq uıymdardyń mamandaryna júginýge suraımyz», - dedi ol.