COVID-19-dyń Úndistanda tarap jatqan shtamy Qytaıǵa jetti
BEIJІŃ. QazAqparat – Qytaıdyń ońtústik-batysyndaǵy Chýntsın qalasynyń bıligi «Katmandý-Chýntsın» áýe reısiniń úsh jolaýshysynan koronavırýstyń Úndistanda taralǵan shtammy anyqtalǵanyn rastady, dep habarlaıdy «QazAqparat» HAA menshikti tilshisi Qytaıdyń Aýrýdy baqylaý jáne aldyn alý ortalyǵyna silteme jasap.
Sáýir aıynyń sońynda Katmandýdan (Nepal) Chýntsın qalasyna kelgennen keıin qytaılyq megapolıstiń áýejaıynda úsh jolaýshynyń COVID-19-ǵa tapsyrǵan testileri oń nátıje kórsetken.
Jergilikti aýrýdy baqylaý jáne aldyn alý ortalyǵy úsh patsıent koronavırýstyń jańa shtammyn Úndistanda juqtyrýy múmkin ekenin habarlady. Epıdemıologııalyq tekserý esebinde atalǵan úsh azamattyń buǵan deıin Úndistan men Nepaldyń qalalaryna sapar shekkeni, keıinnen «Katmandý-Chýntsın» áýe reısi arqyly Qytaıǵa oralǵanyn aıtylǵan.
Buǵan deıin Qytaıdyń Aýrýdy baqylaý jáne aldyn alý ortalyǵynyń bas epıdemıology Ý Tszýnıý koronavırýstyń Úndistanda anyqtalǵan B.1.617 shtammy Qytaıdyń birneshe qalasynda tirkelgenin aıtqan bolatyn.
«Beısenbi kúngi jaǵdaı boıynsha qurlyqtyq Qytaıda COVID-19 juqtyrýdyń 13 jańa deregi tirkelgen. Olardyń barlyǵy shetelden «ákelingen», - delingen QHR-dyń Densaýlyq saqtaý isteri jónindegi memlekettik komıtettiń esebinde.
Avtor: Rýslan Súlıemenov
