COVID-19: Býrıatııada 27 maýsym -11 shilde aralyǵy jumys istemelmeıtin kúnder bolyp jarııalandy

MÁSKEÝ. TASS-QazAqparat – Býrıatııada eki aptaǵa epıdahýaldyń nasharlaýyna baılanysty qatań shekteý sharalary engiziledi, dep habarlaıdy QazAqparat TASS agenttigine silteme jasap.

Býrıatııada epıdemıologııalyq ahýaldyń nasharalýyna jáne koronavırýs juqtyrýshylar sanynyń ósýine baılanysty respýblıka bıligi eki aptaǵa 27 maýsymnan 11 shildege deıin qatań shekteý sharalaryn engizdi. Bul kúnder jumys istelmeıtin kúnder rejımi bolyp jarııalandy.

«Býrıatııa Respýblıkasynda 27 maýsymnan 11 shildege deıin jumys istelmeıtin kúnder rejımi engizildi», - delingen koronavırýs boıynsha óńirlik jedel shtabtyń habarlamasynda.

Osy eki aptada «ómir súrýdi qamtamasyz etetin qyzmetterdi, azyq-túlik dúkenderin, qajetti taýarlardy satatyn saýda uıymdaryn, dárihanalardy, TKSh, qoǵamdyq kólik, BAQ qyzmetterin qospaǵanda, barlyq kásiporyndardyń qyzmetine tyıym salynady» delingen.

Ótken táýlikte Býrıatııada koronavırýs juqtyrýdyń 2858 jańa jaǵdaıy anyqtaldy. COVID-19 pandemııasy bastalǵaly respýblıkada 42435 adam koronavırýsqa shaldyqqan, 1066 naýqas kóz jumǵan.