COVID-19 boıynsha medıtsınalyq uıymdardyń daıyndyǵyn baǵalaý júrgiziledi - Marat Shoranov

NUR-SULTAN. QazAqparat – 2021 jyly densaýlyq saqtaý salasynda táýelsiz sarapshylar ınstıtýtyn akkredıtteý rásimin jetildirýdi qamtamasyz etý josparda bar. Bul týraly QR Densaýlyq saqtaý birinshi vıtse-mınıstri Marat Shoranov aıtty, dep habarlaıdy QazAqparat tilshisi.

«COVID-19-ǵa shaldyqqan patsıentterge medıtsınalyq kómek kórsetetin medıtsınalyq uıymdardyń daıarlyǵyn baǵalaý turaqty negizde júrgiziledi. Sonymen qatar, 2020-2025 jyldarǵa arnalǵan farmatsevtıkalyq jáne medıtsınalyq ónerkásipti damytý jónindegi keshendi jospardy iske asyrý jalǵasady», - dedi birinshi vıtse-mınıstr Ortalyq kommýnıkatsııalar qyzmetinde.

Onyń aıtýynsha, dárilik zattardy ulttyq tirkeýden EAEO erejelerimen tirkeýge kóshý, sonymen qatar EAEO aıasynda farmatsevtıkalyq ınspektsııany júzege asyrý josparlanyp otyr.

Budan buryn habarlanǵandaı, brıfıng barysynda Qazaqstanda salynatyn medıtsınalyq nysandar týraly aıtyldy.

5 jylda 487-den astam jańa MSAK obektileri salynady jáne osy 2021 jyly 211 nysannyń qurylysy josparlanýda, onyń ishinde 83 medıtsınalyq pýnkt, 70 feldsherlik-akýsherlik pýnkt, 57 dárigerlik ambýlatorııa jáne 1 emhana qamtylady.