«COVID-19»: Bı performansynyń premerasy ótedi

NUR-SULTAN. QazAqparat – Elordada «Astana Musical» memlekettik teatry «COVID-19» atty jańa týyndysyn usynady, dep habarlaıdy QazAqparat tilshisi.

«Qazaqkontsert» MKU» RMQK baspasóz qyzmetiniń málimetinshe, jańa spektakl ataýynyń ózi aıtyp turǵandaı, basty nazarda – 2020 jyldyń eń tanymal sózine aınalǵan «COVID-19» máselesi. Qoıylymda oıdan shyǵarylǵan keıipkerler men úırenshikti pafosqa toly obrazdar joq. Týyndy tolyǵymen ómirimizdiń qazirgi bolmysyn kórsetetin shynaıy oqıǵalarǵa negizdelgen. «COVID-19» horeografııalyq spektakli – bul máńgilik qundylyqtar týraly paıymdaý, adamdardyń karantın kezindegi ishki oı-tolǵanysy, sanamyzdaǵy ózgerister, kópshiliktiń qısynsyz áreketteri men oıǵa qonymsyz túsinikteri, sonyń nátıjesinde jaqyndarynan aıyrylǵan azamattardyń qaıǵy-qasireti...

Álemdi kúrt ózgertken «COVID-19» pandemııasy bizdi ózgerte aldy ma? Saqtyq sharalary men shekteýlerge deıingi ómir qaıta orala ma? Osy jáne ózge de ózekti saýaldardyń jaýabyn kórermender «COVID-19» atty horeografııalyq spektaklden tabady.

Spektakldiń rejısser-horeografy – «Astana Musical» teatrynyń ártisi Anel Mýrzagýlov. Mýzykalyq týyndylardy «Astana Musical» ártisi Aqjol Ómirzaqov jazǵan.