COVID-19-ben kúreske jumyldyrylǵan 103 nysan jabyldy

NUR-SULTAN. QazAqparat – 25 tamyzdan beri elimizde COVID-19-ben kúreske jumyldyrylǵan 103 nysan jabyldy. QR Densaýlyq saqtaý mınıstri Aleseı Tsoı Úkimet otyrysynda osyndaı málimet berdi, dep habarlaıdy QazAqparat tilshisi.

«Qazaqstan boıynsha 1 tamyzdan bastap ınfektsııalyq tósekterdiń júktelim deńgeıi 56-dan 34%-ǵa deıin, reanımatsııalyq tósekterdiń júktelimi 45-ten 29%-ǵa deıin tómendegeni baıqalady. Rezervte 20 myńǵa jýyq tósek-oryn bar», - dedi mınıstr.

Onyń málimeti boıynsha, epıdemıologııalyq ahýaldyń turaqtanýyna baılanysty ýaqytsha ınfektsııalyq nysandardy jabý jumystary jalǵasyp jatyr.

«Bıyl 25 tamyz ben 18 qazan aralyǵynda barlyq óńirlerde 103 nysan, naqty aıtsaq, 30 881 ınfektsııalyq tósek jabyldy», - dedi Alekseı Tsoı.