COVID-19 baqylaý ortalyǵy veb-qosymshasynyń jańartylǵan nusqasyna baıqaý jarııalandy

NUR-SULTAN. QazAqparat – QR Densaýlyq saqtaý mınıstrligi «COVID-19 baqylaý ortalyǵy» veb-qosymshasynyń jańartylǵan nusqasyn ázirleýge konkýrs jarııalady, dep habarlaıdy QazAqparat.

Baıqaýdy QR Densaýlyq saqtaý mınıstrligi Azııa Damý Banki (ADB) jáne «Astana Hub» IT-startaptar halyqaralyq tehnoparkiniń qoldaýymen jáne QR Tsıfrlyq damý, ınnovatsııa jáne aeroǵarysh ónerkásibi mınıstrligimen birlesip júrgizedi.

Jeńimpazben 50 000 AQSh dollaryna deıin kelisimshart bekitiledi.

Astana Hub» tehnoparkiniń habarlaýynsha, Densaýlyq saqtaý mınıstrligi «COVID-19 baqylaý ortalyǵy» aqparattyq júıesin ınfektsııaǵa ushyraǵan, qatynasqa túsken jáne koronavırýstyq ınfektsııadan saýyǵyp ketken adamdar boıynsha derekterdi esepteý men baqylaý jumystaryn júrgizý úshin paıdalanady.

Aýrý juqtyrǵandar sanynyń ósýine nátıjeli túrde monıtorıng júrgizip, jedel sheshim qabyldaý úshin «COVID-19 baqylaý ortalyǵy» aqparattyq júıesine tolyqtyrýlar engizý uıǵarylǵan. Bul veb-baǵdarlama Open source App negizinde jasalǵan.

«COVID-19 baqylaý ortalyǵy» veb-qosymshasy jańa nusqasyn daıyndaý úshin 18 jastan asqan tulǵalar nemese 3 adamǵa deıingi komandalar qatysa alady. Ol úshin úmitkerge tómendegideı talap qoıylady.

- Python 3 bilý;

- Scalable veb qosymshalaryn ázirleýdegi tájirıbe;

- Standartty DevOps quraldar jıyntyǵy (git, docker, CI/CD);

- Flask, FastAPI, Celery, Pandas, SQLAlchemy sııaqty baǵdarlamalarmen jumys tájirıbesi;

- SQL bilý, Postgres-pen jumys isteý tájirıbesi;

- HTML5, Native JS/JQuery bilý;

- Linux, Bash-pen jumys tájirıbesi.

Barlyq suraqtar boıynsha [e-mail] poshtasyna júginýge bolady. Ótinimder 24 maýsymnan 5 shildege deıin qabyldanady.