COVID-19: Almatyda sımptomsyz naýqastar statsıonarǵa jatqyzylady

ALMATY. QazAqparat - Almatyda sımptomsyz COVID-19 tasymaldaýshylar aýrýhanalarǵa jatqyzylady. Bul týraly Óńirlik kommýnıkatsııalar qyzmetinde ótken brıfıngte qalanyń bas memlekettik sanıtar dárigeri Jandarbek Bekshın aıtty, dep habarlaıdy QazAqparat tilshisi.

«Naýqastardyń 35-36% indetti úı jaǵdaıynda juqtyrady. Osyǵan baılanysty Almaty qalasynyń qoǵamdyq densaýlyq saqtaý basqarmasy ınfektsııanyń tarlaýyn azaıtý úshin sımptomsyz tasymaldaýshylardy anyqtap, olardy oqshaýlap, kúzetiletin statsıonarlarǵa jatqyzady», - dedi Jandarbek Bekshın.

Buǵan deıin Jandarbek Bekshın qaladaǵy koronavırýsqa qatysty jaǵdaıdyń áli de kúrdeli ekenin aıtqan bolatyn.

Sonymen qatar, ol almatylyqtardyń koronavırýsty qaı jerde jıi juqtyratynyn aıtty.

Aıta keteıik, Almatyda QR Premer-Mınıstriniń orynbasary Eraly Toǵjanovtyń tapsyrmasyna sáıkes jańa karantın shekteýleri engiziledi.