Covid-19: Almatyda ólim-jitim kórsetkishi 0,6 % bolyp otyr
ALMATY. QazAqparat – Almatyda koronavırýs juqtyrǵan naýqastardyń 77% sımtopmsyz ótip jatyr. Bul týraly onlaın brıfıng barysynda qalalyq Qoǵamdyq densaýlyq saqtaý basqarmasynyń basshysy Tileýhan Ábildaev aıtty, dep habarlaıdy QazAqparat tilshisi.
Onyń aıtýynsha, jasyryn oshaqtardy belsendi anyqtaýdyń arqasynda juqtyrǵandardy erte bastan anyqtaý múmkindigi artty.
«Qalada naýqastardyń 77% qanaǵattanarlyq jaı-kúıde jáne olardyń aýrýy jeńil túrde sımptomsyz ótip jatyr. Bul Covid-19 der kezinde anyqtalýynyń dáleli bolsa kerek. Bul emdeýdi jeńildetedi, óıtkeni biz jaǵdaıdy shıelenisken jaǵdaıǵa deıin jetkizbeýge tyrysyp jatyrmyz. Qala boıynsha bul ınfektsııadan ólim-jitim tómen deńgeıde – 0,6% qalyp otyr», - dedi basqarma basshysy.
Munyń aldynda koronavırýs ınfektsııasyna shaldyqqandardyń sany 1353-ke jetkenin habarlaǵan bolatynbyz.
