COVID-19: Aqtóbede bir táýlikte 137 adamnan koronavırýs anyqtaldy
Aqtóbe oblysy «qyzyl» aımaqta. Bir táýlikte taǵy 137 adamnan koronavırýs ınfektsııasy anyqtaldy.
«Aqtóbe oblysy boıynsha ınfektsııalyq statsonarlarda 658 adam jatyr. Onyń 84-i jansaqtaý bóliminde. Naýqastardyń 15-i ókpeni jasandy jeldetý apparatyna qosyldy. Balalar týraly aıtar bolsam, 261 bala baqylaýǵa alynsa, onyń 9-y aýrýhanada em alyp jatyr. Júkti áıelderdiń 33-i em qabyldap jatyr. Beseýiniń jaǵdaıy aýyr», - dedi oblystyq densaýlyq saqtaý basqarmasy basshysynyń orynbasary Bekbolat Іzbasarov.
Onyń aıtýynsha, bir aptada óńirde 15 adam COVOD-19-dan kóz jumdy.
«Balalar arasynda jaǵdaı turaqty. Oqý jyly bastalǵaly 473 synyp karantınge jiberilse, onyń 134-inde karantın aıaqtalyp, oqýshylar sabaqqa baryp júr. Qazir 339 synyp karantınde»,- dedi oblystyq sanıtarııalyq-epıdemıologııalyq baqylaý departamenti basshysynyń mindetin atqarýshy Gúlbaný Dáýletova.