COVID-19: Aqtóbede 9 myńǵa jýyq adam ońaltý ortalyqtarynda em qabyldady

AQTÓBE. QazAqparat – Koronavırýs ınfektsııasyna shaldyǵyp, jazylǵan aqtóbelikter ońaltý ortalyqtarynda em qabyldap jatyr. Nıet bildirgen 10 myńnan astam adamnyń 9 myńǵa jýyǵy ońaltý ortalyqtaryna bardy, dep habarlaıdy QazAqparat tilshisi.

Óńirde koronavırýs ınfektsııasyn juqtyrǵan 140 naýqas áli de aýrýhana em qabyldap jatyr. Onyń 17-si jansaqtaý bóliminde. Oblystyq densaýlyq saqtaý basqarmasynyń habarlaýynsha, statsıonarlardaǵy júkteme azaıǵan. Búginde 25% qurap otyr. Sonymen birge ımmýndaý jumysy qarqyndy. Turǵyndardyń 83 myńnan astamy revaktsınatsııaǵa qatysyp úlgergen. Al 14 myńǵa jýyq adam Pfizer-di qabyldady.

«Koronavırýs ınfektsııasyna shaldyǵyp, jazylyp shyqqan adamdar úshin barlyq aýdanda kúndizgi statsıonar bar. Sonymen birge qalada «Darý», «Zárý» jáne «ıÝkon» saýyqtyrý ortalyqtaryna jiberiledi. Aqtóbe medıtsına ortalyǵy, burynǵy temirjol aýrýhanasy men aýdandyq aýrýhanalarda jatyp emdeletin ortalyqtar jumys istep tur. Jyl basynan beri 10 myńnan astam adamdy ońaltýǵa jiberý josparlansa, qazir 9 myńǵa jýyǵy em qabyldap úlgerdi. «ıÝkon» ortalyǵyna medtsınalyq saqtandyrýy bar jáne zeınetkerler tegin bara alady. Qazir onda eki massaj kabıneti bar. Tuzdy shahta da jumys istep tur. Onda kúnine bir ret em qabyldaýǵa bolady. Munda bir rettik kýrs baǵasy 37 myń teńgeni quraıdy», - dedi oblystyq densaýlyq saqtaý basqarmasy basshysynyń orynbasary Aıgúl Amanjolova.

Qazir oblys «jasyl» aımaqta. Soǵan sáıkes oblystyń bas sanıtar dárigeri jańa qaýly ázirlep jatyr. Onda «jasylmen» qatar «kók» mártebesi bar adamdardyń esh shekteýsiz kez kelgen nysanǵa kirýine múmkindik berilmek.

«Oblysta 47 monıtorıng toby jumys isteıdi. Olar ákelgen materıal boıynsha 1 mln teńgege 22 ákimshilik aıyppul salyndy. «Ashyq» qosymshasyn qoldaný kezinde «qyzyl» statýspen júrgen 161, «sary» mártebesi ber 33 adam anyqtaldy», - dedi oblystyq sanıtarııalyq-epıdemıologııalyq baqylaý departamentiniń basshysy Raıhan Qoıshanova.