COVID-19: Aqtóbede 80-nen astam adam em qabyldap jatyr
AQTÓBE. QazAqparat – Aqtóbe oblysynda 80-nen astam adam koronavırýs ınfektsııasynan em qabyldap jatyr. Onyń 11-i jansaqtaý bóliminde. Bul týraly óńirlik kommýnıkatsııalar qyzmetinde ótken baspasóz máslıhatynda aıtyldy, dep habarlaıdy QazAqparat tilshisi.
Ótken táýlikte óńirde 10 adamnan koronavırýs ınfektsııasy anyqtaldy. Aqtóbe qalasynda 3, Mártók aýdanynda 6 jáne Hromtaý aýdanynda 1 adam dárigerler baqylaýyna alyndy.
Aýrý juqtyrýdyń ósý deńgeıi - 0,3%. Jalpy oblysta 3531 jaǵdaı tirkelgen bolsa, onyń 94 paıyzy jazyldy. Al 200-den astam adam úı karantınine alyndy.
«Aqtóbe medıtsınalyq ýnıversıtetiniń karantındik statsıonarynda 14, Mártók aýdanyndaǵy Jaısań aýylynda 15, Qarǵaly aýdanyndaǵy Álimbet mektep-ınternatynda 1 adam jatyr. Jalpy óńirde ótpeni jasandy jeldetý apparaty jetkilikti. Bizdiń maqsatymyz – naýqastardyń jaǵdaıyn ýshyqtyrmaı, der kezinde emdeý. Jansaqtaý bóliminde jatqandardyń kóbiniń jasy 60-tan asqan. Sonymen birge júrek-qan tamyrlary, qant dıabeti sekildi sozylmaly aýrýǵa shaldyqqandar», - dedi Aqtóbe oblystyq densaýlyq saqtaý basqarmasynyń basshysy Rústem Isaev.
Aqtóbede áli de toı, eske alý sharasyn ótkizýge, ujymdyq keshterdi uıymdastyrýǵa tyıym salynǵan.
Soǵan qaramastan túrli shara ótkizgenderge Ákimshilik quqyq buzý kodeksi boıynsha 140 mıllıon teńgeden astam aıyppul salynǵan.
