COVID-19: Aqmola oblysynda 34 mektep qashyqtan oqytýǵa kóshti
KÓKShETAÝ. QazAqparat - Jyl basynan beri Aqmola oblysynda oqýshylar arasynda COVID-19 qatysty 499 jaǵdaı tirkeldi.
Bul týraly brıfıngte oblystyq sanıtarlyq-epıdemıologııalyq baqylaý departamentiniń basshysy Aınagúl Mýsına aıtty, dep habarlaıdy QazAqparat tilshisi.
Vedomstvo basshysynyń aıtýynsha, óńirde oqýshylar arasynda bir táýliktiń ishinde COVID-19-ǵa qatysty 7 jaǵdaı tirkelip otyr. Onyń ishinde Býrabaı aýdanynda-4, Jaqsy aýdanynda-1, Tselınograd aýdanynda-1, Kókshetaý qalasynda-1 jaǵdaı tirkeldi.
«Aǵymdaǵy jyldyń 1-shi qańtarynan bastap oqýshylar arasynda aýrýdyń 499 jaǵdaıy tirkeldi, onyń ishinde shtattyq rejımde (offlaın)–212(43%) jaǵdaı, onlaın–287(57%) jaǵdaı. Pandemııa bastalǵaly beri 761 oqýshydan COVID-19 vırýsy zerthana arqyly rastaldy», - dedi Aınagúl Mýsına.
Brıfıngte aıtylǵandaı, 2020-2021 oqý jylynyń birinshi toqsanynda oblys boıynsha COVID-19-dyń 25 jaǵdaıy tirkeldi (6 offlaın/19 onlaın), ekinshi toqsanda 223 jaǵdaı (75/148), úshinshi toqsannyń basynan beri 499 jaǵdaı tirkeldi (212/287). Aýdandar boıynsha alǵanda, Kókshetaý qalasynda-(328), Stepnogorsk qalasynda-(38), Býrabaı aýdanynda-(66), Zerendi aýdanynda-(36), Sandyqtaý aýdanynda-(34).
«Oblys boıynsha oqýshylar arasynda koronavırýs ınfektsııasynyń tirkelýine baılanysty 34 mektep qashyqtan oqytýǵa kóshti», - dep tolyqtyrdy vedomstvo basshysy.
