COVID-19: 25 jastaǵy patsıent Nıý-Iork-Máskeý-Almaty reısimen ushyp kelgen
ALMATY. QazAqparat – 25 jastaǵy patsıent Nıý-Iork-Máskeý-Almaty reısimen ushyp kelgen. Bul týraly Almatydaǵy epıdemıologııalyq ahýal týraly qalalyq Qoǵamdyq densaýlyqty saqtaý basqarmasynyń basshysy Tileýhan Ábildaev onlaın brıfıng kezinde aıtty, dep habarlaıdy QazAqparat tilshisi.
Onyń aıtýynsha, jańadan anyqtalǵan patsıentterdiń biri — 25 jastaǵy naýqas 21 naýryzda Nıý-Iork - Máskeý - Almaty reısimen ushyp kelgen.
«Al qalǵan adamdar KVI rastalǵan adamdarmen baılanysta bolǵandar. Barlyq patsıentterdiń jaı-kúıi qanaǵattanarlyq. Qalalyq klınıkalyq juqpaly aýrýlar aýrýhanalarynda qazir 40 patsıent bar, onyń ishinde ekeýi – bala. 38 patsıenttiń jaı-kúıi – qanaǵattanarlyq, 1 balanyń jaǵdaıy ortasha dárejede, bireýinde – jaǵdaıy aýyr, entigýine baılanysty ókpeni jasandy jeldetý apparatynda jatyr. Búginde provızorlyq gospıtaldarda karantınde 938 azamat, onyń ishinde 56 bala bar. Karantındegi barlyq adamnyń temperatýrasy qalypty jaǵdaıda», - dedi Tileýhan Ábildaev.
