Coursera platformasy 200 myńǵa jýyq qazaqstandyq stýdentke sertıfıkat tabystaǵan
ASTANA. KAZINFORM – Ǵylym jáne joǵary bilim vıtse-mınıstri Dınara Şeglova ortalyq kommýnıkatsııalar qyzmetinde ótken baspasóz máslıhatynda Coursera kompanııasymen aradaǵy áriptestiktiń nátıjesin tizip shyqty.
- Coursera kompanııasymen sońǵy úsh jyldaǵy birlesken jumysymyzdy erekshe atap ótkim keledi. Osy kezeńde 197 926 stýdent oqytýdan ótip, 388 573 sertıfıkatqa ıe boldy, - dedi ol.
Aıtýynsha, qazaqstandyq stýdentter Coursera platformasy arqyly jasandy ıntellekt baǵytyndaǵy 225 kýrsty meńgere alady.
- Sonymen qatar AI-Sana baǵdarlamasy aıasynda stýdentter 72 406 sertıfıkat aldy. Bul olardyń tsıfrlyq jáne jasandy ıntellekt baǵyttaryna joǵary qyzyǵýshylyǵyn kórsetedi, - dedi vıtse-mınıstr.
Eske salsaq, Coursera bas dırektory Greg Hart Qazaqstan men kompanııa yntymaqtastyqtyń jańa satysyna aıaq basqanyn aıtqan edi.