Cot oryndaýshylary ótken toǵyz aıdaǵy jumys barysyn qorytyndylady
ASTANA. 18 qazan. QazAqparat - Búgin Ádilet mınıstrliginde ótken alqaly jıyn barysynda Sot aktilerin oryndaý komıteti men «Bı - Logıstıks» AQ ózderiniń ótken toǵyz aı boıy atqarǵan jumystaryn qorytyndylady.
Jıynǵa Sot aktilerin oryndaý komıteti men «Bı - Logıstıks» AQ-nyń barlyq aýmaqtyq bólimderi onlaın rejıminde qatysty.
Jıyn jumysyn Ádilet mınıstriniń orynbasary Ámirhan Amanbaev ashyp, basqaryp otyrdy.
Otyrystyń kún tártibine qoıylǵan máseeler boıynsha aldymen Sot aktilerin oryndaý komıteti tóraǵasynyń orynbasarlary Á. Aqjanov pen S. Toǵaevtyń baıandamalary tyńdaldy.
Baıandamalar barysynda atqarýshylyq óndiristiń oryndalý kórsetkishteriniń ótken jylmen salystyrǵanda ósip, 79,8 % jetkeni, sonymen qatar Elbasy bastamasymen kóterilgen jeke sot oryndaýshylary ınstıtýtyn engizý boıynsha úlken jumystyń atqarylyp, aldaǵy jyldan bastap búkil atqarýshylyq óndiristiń 10%-yn jeke sot oryndaýshylaryna berý josparlanyp otyrǵandyǵy aıtyldy.
Komıtet basshylyǵynyń esebine sáıkes sot oryndaýshylary aǵymdaǵy jyldyń sońyna deıin jańa jumys kıimimen qamtamasyz etilip, sonymen qatar edáýir deńgeıde avtokóliktermen qamtý jaıynyń da oń sheshimin tabatyndyǵy aıtyldy.
Kún tártibinde josparlanǵan eseptik baıandamalardan keıin aýmaqtyq bólimderdiń atqarǵan jumystary tyńdalyp, oryn alǵan birqatar máseleler talqyǵa salyndy.
Alqaly jıyndy qorytyndylaǵan mınıstr orynbasary Á. Amanbaev Ádilet mınıstrligi quramyna engeli kóp ýaqyt ótpegen quzyrly organnyń jumysynda áli de sheshimin tappaǵan máseleleriniń bar ekendigin kórsetip, jekelegen olqylyqtardy joıý boıynsha naqty tapsyrmalar berdi.
Jıynǵa qatysýshylar berilgen tapsyrmalardy jyl sońyna deıin atqarýǵa ýaǵdalasty
