Costa Concordia krýızdik kemesin sý betine shyǵarý jumystary barysynda súńgýir qaza tapty
ASTANA. QazAqparat - Batyp ketken Costa Concordia krýızdik kemesin sý betine shyǵarý jumystary barysynda súńgýir qaza tapty. Bul týraly sheteldik BAQ habarlaýda.
Qaza tapqan Ispanııa azamaty kemeni sý betine shyǵarý jumystaryn júrgizip jatqan Underwater Contractors Spain kompanııasynyń qyzmetkeri. Onyń aty-jóni ázirshe habarlanyp otyrǵan joq. Aldyn ala málimetter boıynsha onyń mert bolýyna tosyn oqıǵa sebep bolǵan. Súńgýir metall temirge aıaǵyn kesip alyp,sonyń saldarynan sý betine júzip shyǵa almaǵan. Al áriptesteri kómekke kelgen kezde ol kóp qan joǵaltqan.
Eske sala ketsek, 4200 jolaýshysy men ekıpaj músheleri bar Costa Concordia kemesi 2012 jyldyń 13 qańtarynda Jerorta teńizinde júzip bara jatqan kezinde Djıloǵa jaqyn mańda rıfke soǵylǵan edi. Apat saldarynan 32 adam opat boldy.
