Costa Concordia-da habar-osharsyz joǵalyp ketken nemis áıel tiri tabyldy
ASTANA. 19 qańtar. QazAqparat - Costa Concordia krýızdik kemesi apatynyń saldarynan habar-osharsyz joǵalyp ketti dep eseptelgen Germanııa azamatshasy Gertrýda Gergens tiri jáne deni saý, dep habarlady ıtalıandyq BAQ ıtalıandyq Grosseto qalasynda apattan keıin prefektýrada qurylǵan daǵdarystyq ortalyq málimdemesine silteme jasap.
Ýtro.rý habarlaǵandaı, áıel Germanııada júr, onyń esimi habar-osharsyz joǵalyp ketkenderdiń tiziminde bar ekendigin bilgen ol mundaǵy jergilikti quqyq qorǵaý organdaryna keldi.
Costa Concordia kemesi Tırren teńizinde Djılo aralyna jaqyn jerde Toskana ıtalıandyq oblysynyń jaǵalaýynda 14 qańtar túninde apatqa ushyrady. Kemeniń bortynda 4,2 myńnan astam adam bolǵan. Qazirgi sátte 11 adam bul jan túrshigerlik oqıǵanyń qurbandary boldy, olardyń tórteýiniń kim ekendikteri áli anyqtalǵan joq.
Grosseto prefektýrasynyń saıtyna sársenbi kúni keshke ornalastyrylǵan tizimge sáıkes, taǵdyrlary týraly eshteńe belgisiz taǵy 26 jolaýshy men ekıpaj músheleri bar. Joǵalǵandar arasynda, sońǵy aqparat boıynsha, Germanııanyń 12 azamaty, tórt frantsýz, alty ıtalıandyq, eki AQSh azamaty, sondaı-aq bir perýandyq jáne bir úndis bar.
