COSCO-men birlesken joba Eýrazııadaǵy logıstıkalyq tizbek qurylymyn ózgertedi - QTJ
BEIJІŃ. QazAqparat - «Qazaqstan temir joly» UK» AQ-nyń COSCO Shipping korporatsııasy men Lıanıýngan porty «Qorǵas - Shyǵys qaqpasy» erkin ekonomıkalyq aımaǵyn birlesip damytý týraly ınvestıtsııalyq kelisimge qol qoıýy - Memleket basshysynyń konteınerler aǵynyn ulǵaıtý boıynsha jáne 2020 jylǵa qaraı bul konteınerlerdi 2 mln-ǵa jetkizý tapsyrmasyn júzege asyrýdyń bastamasy. Bul týraly «Qazaqstan temir joly» UK» AQ-nyń prezıdenti Qanat Alpysbaev «QazAqparat» HAA-nyń Qytaıdaǵy menshikti tilshisine bergen suhbatynda habarlady.
«Álemdik kóshbasshylardy, sonyń ishinde COSCO Shipping Line kompanııasyn tartý - Memleket basshysynyń konteınerler aǵynyn ulǵaıtý boıynsha jáne 2020 jylǵa qaraı bul konteınerlerdi 2 mln-ǵa jetkizý tapsyrmasyn júzege asyrýǵa múmkindik beredi. Bul jobanyń birlesip júzege asyrylýy Eýrazııa qurlyǵyndaǵy logıstıkalyq tizbektiń jahandyq qurylymyn ózgertedi dep oılaımyz jáne bul «Qorǵas - Shyǵys qaqpasy» EEA men jalpy Almaty oblysynyń damýyna serpin beredi», - dedi ol.
Kelisimge qol qoıý rásimi Qazaqstan Prezıdenti Nursultan Nazarbaevtyń «Bir beldeý, bir jol» atty halyqaralyq yntymaqtastyq boıynsha joǵary deńgeıdegi forýmǵa qatysýymen qatar, QHR-ǵa jasaǵan resmı sapary aıasynda ótti.
