Cońǵy jarty jylda qujattardy aıyrbastaýǵa qatysty ótinishter sany rekordtyq kórsetkishke - 1 mln. 600 myńǵa jetti - Ádilet mınıstrligi
ASTANA. Qyrkúıektiń 24-i. QazAqparat /Qanat Mámetqazyuly/ -Cońǵy jarty jyl ishinde qujattardy aıyrbastaýǵa qatysty ótinishterdiń sany rekordtyq kórsetkishke jetip otyr. Atap aıtqanda atalǵan merzim ishinde 1 mln. 600 myńǵa jýyq ótinish tirkelgen. Bul týraly búgin QR Ádilet mınıstrliginde ótken brıfıng barysynda vedomstvonyń resmı ókili Erbolat Erimbet málim etti.
Brıfıng barysynda resmı ókil jeke basty kýálandyratyn qujattardy daıyndaýmen baılanysty azamattar tarapynan shaǵym kóbeıgenin aıta kele, ondaǵy ahýalǵa toqtala otyryp, qalyptasqan jaǵdaıdyń birneshe sebepterin aıtty. «Birinshi sebebi - Jeke sáıkestendirý nómirlerin alýǵa jappaı ótinishtiń túsýinen týyndaıdy. Azamattarǵa qujat aýystyryp, JSN alý úshin 3,5 jyl ýaqyt berilgen bolatyn. Alaıda, ótken úsh jyl ishinde turǵyndar belsendilik tanytqan joq. Statıstıkaǵa súıensek, 2007 jyly JSN-i bar qujattar aıyrbastaýǵa 50 myń ótinish, 2008 jyly - 144 myń, 2009 jyly 104 myń adam ǵana ótinish bergen. Al sońǵy alty aı ishinde olardyń sany 900 myńnan asty. Ekinshi sebebi - ótken jyldan bastap, jańa úlgidegi plastıkalyq - elektrondy chıpi bar jeke kýálik engizilgen edi. Turǵyndar da osy jańa kýálik alýǵa umtylýda. Úshinshiden - Eýroodaq vızalyq kodeksti qabyldady. Oǵan sáıkes, 10 jyl ótken tólqujatqa Shengen vızasy berilmeıdi», dedi E. Erimbet.
Resmı ókil atalǵan sebepterge qatysty tólqujattar men jeke kýálikterdi jedel daıyndaýǵa ótinishter qabyldaý ýaqytsha toqtatylǵanyn málim etti. «Alaıda, eger azamatqa qujattaryn jedel alýǵa shuǵyl qajettilik bolsa, onda ol Halyqqa qyzmet kórsetý ortalyqtaryna nemese ádilet basqarmalaryna rastaıtyn qajettilik qujattaryn (jol júrý bıleti, elshiliktiń shaqyrtýy, issapar kýáligi, memlekettik organdar, sport uıymdarynyń ótinishi) tapsyrýy tıis. Bul jaǵdaıda jeke basty kýálandyratyn qujattardy alýdy aldyn ala oılaý qajettigine azamattardyń nazar aýdarýyn suraımyz», dedi E. Erimbet.
