Cońǵy úsh jylda qan aınalymy júıesi aýrýlarynan bolatyn bastapqy múgedektik 8,7 paıyzǵa tómendedi - Densaýlyq mınıstrligi
ASTANA. 25 maýsym. QazAqparat - Cońǵy úsh jylda qan aınalymy júıesi aýrýlarynan bolatyn bastapqy múgedektik 8,7 paıyzǵa tómendedi.
Búgin Parlament Májilisiniń Áleýmettik-mádenı damý komıtetiniń keńeıtilgen otyrysy barysynda Densaýlyq saqtaý vıtse-mınıstri Erik Baıjúnisov osylaı málim etti.
Vıtse-mınıstrdiń aıtýyna qaraǵanda, joǵary tehnologııalardyń keń aýqymyn engizý arqasynda elimizde kardıohırýrgııa salasynda ilgerileýshilik aıtarlyqtaı boldy.
«Máselen, sońǵy jyldary kardıohırýrgııa salasynda júrekke 20 myńnan astam ota jasaldy. Qan tamyrlaryn stentteý, transplantatsııa sekildi kúrdeli otalar júzege asty. Bul óz kezeginde qan aınalymy aýrýlarynan bolatyn bastapqy múgedektikti birshama tómendetti. Naqtylasaq, sońǵy úsh jylda bul kórsetkish 8,7 paıyzǵa kemidi», - deıdi E.Baıjúnisov.
