Comic Con Astana–2025 kórmesine 150-den astam qazaqstandyq avtor óz jumysyn usyndy
ASTANA. KAZINFORM - 9-12 shilde aralyǵynda Ortalyq Azııadaǵy eń iri pop-mádenıet konventsııasy Comic Con Astana-2025 ótedi.
Festıvalde komıkster men manga avtorlary, ıllıýstratorlar, dástúrli tehnıkada jáne tsıfrlyq keskindeme janrynda jumys isteıtin sýretshiler, qolónershiler men beıneoıyn dızaınerleri ózderiniń túpnusqa jumystaryn usynady. Tórt kún boıy kelýshiler avtorlyq jobalarmen tanysa alady, taýarlyq jáne qoldan jasalǵan buıymdardy satyp alady, sonymen qatar qolónershilerdiń ózderimen baılanysa alady.
Shara aıasynda elimizdiń túkpir-túkpirinen kelgen 150-den astam qatysýshy «Avtorlar alleıasynda» bas qosty. Uıymdastyrýshylardyń aıtýynsha, «Avtorlar alleıasy» - jyl saıyn Qazaqstannyń shyǵarmashylyq ındýstrııasynyń úzdik ókilderin jınaıtyn festıvaldiń negizgi oryndarynyń biri. Dástúr boıynsha munda belgili ıllıýstrator, «Uıatmenniń» jáne ataqty «apashkany» jasaýshy Murat Dilmanovtyń týyndylary qoıylady.
- Osy jyly men óz ıllıýstratsııalarymdy jáne buıymdarymdy ártúrli formada – baspa, ashyq hat, stıker túrinde usyndym. Biraq men úshin eń bastysy – shyǵarmalaryma salǵan pishin emes, maǵynasy, habary. Men etnıkalyq motıvter men zamanaýılyqty biriktiretin stıldi tańdadym. Bul jaı ǵana kórnekilik emes – onyń astarynda ıdeıa, oqıǵa jatyr. Men bul baǵytta jumysty etnıkalyq mýzyka negizgi aǵymǵa aınalmaı turyp-aq, qazirgi qazaq renessansynan buryn bastadym, - dedi Murat Dilmanov.
Onyń aıtýynsha, etnıkalyq stılge degen qyzyǵýshylyqtyń artýy - oń úrdis.
— Búginde etnıkalyq stıl buqaralyq sıpat alyp barady, men buny durys dep esepteımin. Aqyrynda biz ózimizge qarap, basqalarǵa elikteýdi doǵardyq. Bul – mańyzdy qadam. Ýaqyt óte kele san sapaǵa aınalatynyna senimdimin, — deıdi ol.
Ol sýretshiniń óz stılin qalyptastyrýy - sheshim ǵana emes, tereń taldaýdyń nátıjesi ekenin aıtty.
- Stıl degenińiz tek kórneki sheshimderdiń jıyntyǵy emes. Bul óziń kórermenge jetkizgiń keletin nárseni tereń taldaýdyń nátıjesi. Ol óziń týraly áńgime dese bolady. Men úshin bul qazaq mádenıetin zamanýı óner arqyly jetkizý,- dedi Murat Dilmanov.
Ulttyq biregeılikti beıneleýdiń mańyzdylyǵyn aıta kele, ol:
- Bizdiń aýyzeki shyǵarmashylyǵymyz burynnan kúshti edi, al qoldanbaly ónerde eseptemegende beıneleý tili bolmaǵan dese de bolady. Men sýret, beıneleý obrazdary arqyly ózimiz týraly aıta alsaq degen oıdamyn. Men ózimizdiń biregeıligimizdi saqtaı otyryp, álemniń bólshegi bolsaq degen nıettemin. Basqasha aıtsaq, bizge jahandyq mádenı aǵymǵa aralasa otyryp, qazaq bolyp qalý kerek,-dedi.
Avtorlar alleıasynyń qatysýshylarynyń qatarynda «Biz sýperqaharman emespiz» jáne «Basqa Maqta qyz» komıksteriniń avtory Álibek Qojageldıev, malikatakira týraly mıstıkalyq komıksterdiń avtory, Miloras jankúıerleri arasynda tanymal sýretshiler Oleg Tsoy, Nevica_sipa jáne basqalary bar.
Buǵan deıin Astanada aýqymdy Comic Con festıvali bastalǵanyn jazǵan bolatynbyz.