Comic Con Astana-2024 festıvali 25-28 shilde aralyǵynda ótedi
ASTANA. KAZINFORM – 2024 jyldyń 25-28 shilde aralyǵynda Qazaqstan astanasynda Comic Con Astana III Halyqaralyq festıvali ótedi.
Comic Con Astana-komıkster, kınematografııa, beıne oıyndar, anıme jáne qazirgi zamanǵy tanymal mádenıettiń ózge de baǵyttaryna arnalǵan festıval.
Aýqymdy is-sharaǵa halyqaralyq stýdııalar, prodıýserler, tanymal blogerler jáne kásibı kospleı-ártisteri qatyspaqshy.
Festıval baǵdarlamasynda qoltańba sessııalardy, premeralardy arnaıy kórsetilimder men prezentatsııalar, kospleı-shoýlar, komıkster, mýzykalyq oryndaýshylar men bı toptarynyń qoıylymdary bar.
Álemdik stýdııalar festıval alańynda ózderiniń ınteraktıvti-oıyn-saýyq stendterin usynatyn bolady.
Festıval shoý baǵdarlamasynyń dástúrli elementi 12 000 000 teńgelik júlde qory quraıtyn halyqaralyq kospleı baıqaýy bolmaq. Qazylar alqasynyń quramynda Danııadan kelgen talantty kospleer jáne Trine kostıýmderiniń mastery bolady.
«Bıylǵy festıval nesimen erekshelenedi? Árıne, shoý-baǵdarlamanyń ózindik erekshelikteri jáne shoý-bıznes pen kospleı ındýstrııasynyń ártúrli salalaryndaǵy jarqyn, talantty qonaqtardyń quramyna deıin jankúıerlerimizge unaıtyn barlyq zattardy eskerýge tyrystyq. Sonymen qatar, biz festıvaldiń barlyq «fıshkalaryn» uzartýǵa tyrystyq, sondyqtan bıyl Comic Con Astana 3 kún emes, tolyq 4 kún ótetin bolady. Jáne de is-sharanyń ótetin orny Kongress-ortalyqtan «EXPO» halyqaralyq kórme ortalyǵyna aýystyryldy. Osy orynda festıvaldiń ótetin kúnder aralyǵynda 100 000 qonaqtarymyzdy kútetin bolamyz. «Bizdiń fantastıkalyq shabýylymyz odan da aýqymdy bolmaq!», – dep jaýap berdi festıvaldiń bas prodıýseri Natalıa Abrashkına.
Comic Con Astana-2024 taǵy da ataqty gollıvýd juldyzdary qatyspaqshy. Sonymen, 2019 jyly festıvaldiń basty hedlaıneri «Igra prestolov» serııasyndaǵy Eýron Greıdjoı rólin somdaǵan Pılý Asbek bolǵan. 2023 jyly is-sharanyń basty keıipkerleri «Strajeı Galaktıkı» men «Mstıtelı: Fınal» Shon Gann men Maıkl Rýker boldy jáne sonymen qatar «Fantastıcheskıe tvarı: Taıny Dambldora» fılminiń akteri Aleksandr Kýznetsov boldy.
Arnaıy qonaqtardyń arasynda vıdeoblogerler Chuck Review, Anastasiz jáne ıAn Toples, dýblıaj akterleri Vsevolod Kýznetsov, Petr Glants, Islam Gandjaev, Egor Vasılev, sýretshi-ıllıýstrator Djýnı (Djuney9) shaqyryldy.
«Vedmak» jankúıerleri úshin Germanııadan kelgen kospleer, Maul Cosplay retinde tanymal bolǵan Geralt Ben Shamma kútpegen tosynsyı bolady. Taǵy da arnaıy qonaq bolyp sýretshi, vızýal novella men survival horror janrynda oryndalǵan «Zaıchık» kompıýterlik oıyndarynyń avtory jáne prodıýseri – Saikono Joker shaqyryldy.
Sonymen qatar konventke Prınts Lımon men Akonıa – doramalardy, sondaı-aq koreı fılmderin aýdarýǵa jáne dybystaýǵa mamandanǵan tanymal SoftBox stýdııasynyń negizin qalaýshylar qatysady. Prınts Lımon men Akonıa – Qazaqstannyń erli-zaıyptylary, dýblıajdyń talantty akterleri ıÝrıı jáne Arýna Kım.
Joǵaryda aıtylǵandardan basqa festıval baǵdarlamasyna kiredi:
– Gık-jármeńke taqyryptyq taýarlarmen, eksklıýzıvti saýda jáne qoldan jasalǵan buıymdarmen uıymdastyrylady.
– Belgili otandyq jáne sheteldik kitaptar men komıkster avtorlarynyń, blogerlerdiń, akterlerdiń, sýretshilerdiń jáne tanymal mádenıettiń basqa da qaıratkerleriniń qoıylymdary men sheberlik synyptary josparlanǵan dárister ótkiziledi.
– Ústel oıyndary, VR, kıbersport týrnırleri jáne retro konsolderi bar oıyn alańy.
– Anıme men mangadan bastalyp J-Pop jáne K-Pop deıingi azııalyq pop- mádenıetke arnalǵan Pop Asia kórme aımaǵy.
– Festıvaldiń barlyq qonaqtaryna fýd-korttardy ashady, al kishkentaı qonaqtarymyz úshin balalarǵa arnalǵan alań jumys jasaıdy
Bıletterdi Comic Con Astana-nyń resmı saıtynda, sonymen qatar ticketon.kz jáne sxodim.com servısterinde satyp alýǵa bolady.
