Coltústik Qazaqstanda Arızona ýnıversıtetiniń úlgisindegi mektep qurylady
«Ashyqtyqty qamtamasyz etý úshin joǵary oqý oryndaryn toptarǵa bólý tetigi joǵary oqý oryndarynyń ótinimderi ornalastyrylatyn arnaıy aqparattyq platforma arqyly júzege asyrylady. Ótinimder kelip túskennen keıin jumys toby tıisti saraptama júrgizedi. Sonymen qatar, zań jobasynda joǵary oqý oryndaryn toptarǵa jikteý erejeleri men krıterıılerin ázirleý jáne bekitý normasy qarastyrylǵan», - dep jazdy Eraly Toǵjanov depýtattyq saýalǵa bergen jaýabynda .
Qoldanystaǵy zańnamaǵa túzetýler qabyldanǵannan keıin Bilim jáne ǵylymı mınıstrligi joǵary jáne joǵary oqý ornynan keıin bilim berý baǵdarlamalaryn iske asyratyn uıymdardyń tizbesin bekitedi.
«Bilimdi ult» sapaly bilim berý» ulttyq jobasynda qazaqstandyq joǵary oqý oryndaryn damytýdyń 2021-2025 jyldarǵa arnalǵan keshendi tásil qarastyrylǵan. Bul maqsat Bilim berýdi damytýdyń 2021-2025 jyldarǵa arnalǵan tujyrymdamasynda da kózdelgen. Joǵary oqý oryndarynyń básekege qabilettiligin arttyrýǵa, ýnıversıtetterdiń zertteý jáne ınnovatsııalyq ekojúıesin qalyptastyrýǵa baǵyttalǵan «Akademııalyq ústemdik ortalyqtary» jobasy qolǵa alyndy», - dedi Premer-Mınıstrdiń orynbasary.
Onyń aıtýynsha, arnaıy keńes akademııalyq ústemdik ortalyqtaryn qurý úshin 15 óńirlik jáne 5 pedagogıkalyq joǵary oqý ornynyń tizbesin bekitken.
Sondaı-aq, Nazarbaev ýnıversıtetiniń tájirıbesi boıynsha eki óńirlik ozyq joǵary oqý ornyn qurý pysyqtalyp jatyr.
«Manash Qozybaev atyndaǵy Soltústik Qazaqstan ýnıversıteti, AQSh-tyń Arızona ýnıversıteti jáne QR Bilim jáne ǵylym mınıstrligi arasynda úshjaqty memorandýmǵa qol qoıyldy. Memorandým aıasynda qosdıplomdy bilim alý, joǵary bilikti oqytýshylardy tartý, zertteý áleýetin arttyrý jáne ozyq tájirıbe ortalyǵyn qurý qarastyrylǵan. Soltústik Qazaqstan ýnıversıtetiniń bazasynda eki mektep quryldy: Nazarbaev ýnıversıtetiniń basqarýyndaǵy «Áleýmettik-gýmanıtarlyq ǵylymdardyń joǵary mektebi» jáne Arızona ýnıversıtetiniń senimgerlik basqarýyndaǵy «Tehnologııalar jáne jaratylystaný ǵylymdarynyń joǵary mektebi». M.Áýezov atyndaǵy Ońtústik Qazaqstan ýnıversıtetiniń bazasynda dasheteldik áriptestermen birge mektepter ashylady. Jańa kásipter atlasy negizinde ınnovatsııalyq bilim berý baǵdarlamalaryn ázirleý, sheteldik áriptestermen akademııalyq almasý jumystary jalǵasyn tabady. Jalpy, joǵary oqý oryndaryn tórt top boıynsha saralaý joǵary oqý oryndaryn bilim berý qyzmetteriniń sapasyn arttyrýǵa múmkindik beredi», - vıtse-premerdiń jaýabynda.
