Coltústik Qazaqstan oblysynda jeńimpazdar forýmy ótti (FOTO)
ASTANA. Soltústik Qazaqstan oblysynda turǵyndardyń qatysýymen «Birlik! Turaqtylyq! Jasampazdyq!» óńirlik forýmy ótti. Saltanatty sharaǵa «Nur Otan» partııasynyń oblystyq fılıalynyń tóraǵasy, oblys ákimi Erik Sultanov qatysty.
«Bul - bizdiń ortaq jeńisimiz, barsha Qazaqstan halqynyń jeńisi. «Nur Otan» - ıgi ister men úlken jetistikter partııasy. Elbasy partııasynyń maqsaty - eldiń birligin, tatýlyǵyn saqtaý, ekonomıkanyń ósimin qamtamasyz etý. Bul jumystardyń barlyǵy partııanyń saılaýaldy tuǵyrnamasynan oryn aldy. «Nur Otanǵa» degen halyqtyń senimi jyldar ótken saıyn arta túskenin keshegi saılaý dáleldedi», - dedi Erik Sultanov.
Aldyn-ala aqparat boıynsha Qazaqstan Respýblıkasy Parlament Májilisi men máslıhattar depýtattary saılaýyna 81,57% soltústikqazaqstandyq qatysqan.
Jıyn barysynda Soltústik Qazaqstan oblysynyń qurmetti azamaty, eńbek ardageri Qudaıbergen Qalıev, gýmanıtarlyq-tehnıkalyq kolledjdiń dırektory Aleksandr Merk, oblystyq balalar aýrýhanasynyń bas dárigeri, «Nur Otan» partııasynyń qalalyq saıası keńesiniń múshesi Oleg Zavıalov, kásipker, oblystyq «Nur Otan» partııasy fılıalynyń saıası keńesi bıýrosynyń múshesi Aleksandr Kazantsev, «Qoǵamdyq kelisim» KMM dırektory Ásemgúl Esqoja jáne M. Qozybaev atyndaǵy Soltústik Qazaqstan memlekettik ýnıversıtetiniń stýdenti Ekaterına Starostına forým qatysýshylaryn quttyqtady.
Soltústikqazaqstandyqtardy Soltústik Qazaqstan oblystyq fılarmonııasynyń jeke oryndaýshysy Dámesh Qurmankına, «Sálem», «Zabııakı» toptary, «Qyzyljar» ulttyq ánder ansambli men ózge de shyǵarmashylyq ujymdar quttyqtady.
