«Coco&Janbo», «Qarǵys. Іshtegi zulymdyq» - aptanyń kınopremeralary
Qyrkúıektiń sońǵy aptasynda qazaqstandyq kórermen úshin birneshe biregeı fılm prokatqa shyǵady. Kınotetarlarda Ádilhan Erjanov, Ernar Nurǵalıev, Mereı Mahanov, Garet Edvards, Výdı Allen jáne Bıshal Dýtta sııaqty beldi rejısserlerdiń týyndylary kórsetiledi, dep habarlaıdy QazAqparat.
«Ademokany oqytý» - «Chernyı chernyı chelovek», «Laskovoe bezrazlıchıche mıra», «Ulbolsyn» jáne «Golıaf» fılmderiniń rejısser Ádilhan Erjanovtyń týyndysy.
Fılmde Tájikstannan Qazaqstanǵa zańsyz shekara asyp kelgen kelgen syǵan mıgranttyń oqıǵasy baıandalady. 15 jasar qyz óz qaýymynda kúndelikti kásipke aınalǵan qaıyr tileýden bas tartyp, taǵdyrǵa qarsy turady. Ademoka aqyldy ári talantty. Ol orta bilim alyp, ýnıversıtetke túsýdi armandaıdy. Bilimge talpynǵan oǵan jergilikti mekteptiń ádebıet páni muǵalimi Ahab Maqymbet jáne fılmniń basqa da keıipkerleri kómektesedi. Kınokartına túrli obrazdar men maǵynaǵa toly, al sıýjet jelisi qazirgi qoǵamnyń basty máselelerin kórsetýge baǵyttalǵan.
Basty rólderde: Ádemi Erjanova, Danııar Alshınov, Bolat Qalymbetov, Ásel Sádýaqasova, Sanjar Mádı jáne Kárim Qadyrbaev.
«Coco&Janbo» – «Hotıa by kınoda 2», «Janym, ty ne poverısh!» jáne «Brat ılı brak» sııaqty fılmderdiń rejısseri Ernar Nurǵalıevtiń kartınasy.
Janbolat túrmeden bostandyqqa shyǵa salyp, burynǵy qatelikterin qaıtalaı bastaıdy. Ol urylar áleminiń zańy boıynsha ómir súredi. Kezekti qylmystyq isti jasaý barysynda Janbolat jas sýretshimen tanysady. Artynan basty keıipker qyzǵa sýret kórmesin uıymdastyrýǵa kómektesedi. Tıisinshe Janbolat óner álemine ene bastaıdy.
Rólderdi Janbolat Naızabekov, Saltanat Serkebaeva, Ásel Aqbar, Ádiljan Shombalov jáne Ashat Úrpekov somdaǵan.
«Belgisiz batyrlar» - Mereı Mahanov túsirgen tarıhı stıldegi komedııa. Bul rejısserdiń alǵashqy úlken kartınasy.
Fılmniń sıýjeti qazaq tarıhyndaǵy mańyzdy oqıǵalardyń biri Ańyraqaı shaıqasy tóńireginde órbıdi. Basty keıipkerler men olardyń shytyrman oqıǵalary tolyq oıdan shyǵarylǵan. Basty rólderde: Ramazan Amantaı, Aınur Іlııasova, Nurdáýlet Shertim, Indıra Sabırova, Ádiljan Shombalov, Qumar Luqmanov jáne Maqsat Mamraımov.
«Kúshikter qaraýyly: Megafılm» (Şenıachıı patrýl: Megafılm) - «Úı janýarlarynyń qupııa ómiri», «Mınıondar», «Usqynsyz men» jáne ózge de tanymal fılmderdiń rejısseri Kallan Brýnkerdiń týyndysy.
Erjúrek kúshikter búginde balalardyń súıikti keıipkerlerine aınalyp úlgerdi. Jańa fılmde patrýl músheleriniń erekshe kúshke ıe bolǵan sáti baıandalady. Olar Handınger merin jeńip, ádildik ornatýy kerek.
«Jaratýshy» (Sozdatel) – bul rejısser Garet Edvardstyń fantastıkalyq ekshn-fılmi.
Basty keıipker Djoshýa adamzat pen jasandy ıntellekt arasyndaǵy teketireske túsedi. Bolashaq — zulymdyqqa toly, onymen kúres jolynda áıelinen aıyrylady. Degenmen Djoshýa adamzatty qutqarý úshin jasyryn qarý men jasandy ıntellektini joıýy tıis.
Rólderde: Djon Devıd Vashıngton, Djemma Chan, Ellıson Djennı, Kan Vatanabe jáne basqalar.
«Uly ıronııa» («Velıkaıa ıronııa») - ataqty rejısser Výdı Allenniń romantıkalyq komedııasy.
Basty keıipker Fannıdiń obrazy - qalypty ómir súrip jatqan Parıj turǵyny. Degenmen onyń óz ómirine kóńili tolmaıtyn sátteri bolyp turady. Ol kúnderdiń bir kúni Parıj kóshelerinde kezdeısoq synyptasymen jolyǵyp qalady. Ortaq estelikter olardy bir-birine jaqyndastyryp, arada mahabbat sezimi oıanady. Osy oqıǵalardyń arqasynda Fannı kúıeýimen ómirin qaıta oı tarazysyna salyp, baqyttyń kiltin tabý úshin ne qajet ekenin túsinedi.
Rólderde: Lý de Laaj, Valerı Lemerse, Melvıll Pýpo, Nıls Shnaıder, Gregorı Gadebýa, Gııom de Tonkedek jáne basqalar.
«Qarǵys. Іshtegi zulymdyq» («Zaklıatıe. Zlo vnýtrı») - rejısser Bıshal Dýttyń qorqynysh, úreı baǵytynda túsirgen fılmi.
Sem dosynyń ózgergenin baıqaı bastaıdy. Joldasy ózin ózge jaratylys ıeleri ańdyp júrgenin aıtady. Artynsha dosy joǵalyp ketedi. Ony izdeý jolynda Sem tylsym dúnıelerge jolyǵady. Sonymen qatar dosynyń ishine engen zulym kúshtiń nelikten syrtqa shyqpaǵanyn anyqtaýy tıis.
Fılmde rólderdi Megan Sýrı, Nırý Badjva, Mohana Krıshnan, Bettı Gebrıel, Vık Sahaı, Geıdj Marsh somdaıdy.
