Coca-Cola, IBM men Microsoft álemniń eń qymbat brendteri bolyp belgilendi
ASTANA. 5 qazan. QazAqparat - Interbrand agenttigi qurastyrǵan jer sharynyń eń qymbat júz brendi tizimin Coca-Cola, IBM jáne Microsoft basqardy.
Coca-cola bul tizim boıynsha birneshe jyl qatarynan kósh bastap keledi. Sarapshylar korporatsııa brendin 71,861 mlrd dollarǵa baǵalap otyr. Bir jyl ishinde ol 2%-ǵa kóterilgen. Ekinshi oryn alǵan IBM brendiniń jyldyq ósimi 8%-dy quraıdy (69,95 mlrd dollar),al úshinshi oryndaǵy Microsoft-tiki 3%-ǵa tómendep, 59,087 mlrd dollardy qurady», - dep habarlaıdy Newsru.com.
Álemniń eń qymbat brendteriniń alǵashqy bestigine sonymen qatar Google (55,317 mlrd, +27%) jáne General Electric (42,808 mlrd) ilikti.
Al McDonald's (35,593 mlrd), Intel (35,217 mlrd), Apple (33,492 mlrd), Disney (29,018 mlrd) jáne HP (28,479 mlrd) alǵashqy ondyqty qorytyndylady.
On birden jıyrmasynshy orynǵa deıin sáıkesinshe, Toyota, Mercedes-Benz, Cisco, Nokia, BMW, Gillette, Samsung, Louis Vuitton jáne Honda ornalasty.
Júzdiń sońynda taıvandik HTC brendi (3,605 mlrd), ıtalııalyq Ferrari (3,591 mlrd) men amerıkalyq Harley-Davidson (3,512 mlrd).
