«Coca-Cola Bylǵary dop» týrnırinde jeńgen qazaq balalary Eýro-2016 fınalyn tamashalaı alady
ASTANA. QazAqparat - Jasóspirimder men balalar arasyndaǵy «Coca-Cola Bylǵary dop» fýtbol týrnıriniń mereıtoıly 10-shy maýsymynda jeńgen fýtbol komandasy Frantsııada ótetin 2016 jylǵy fýtboldan Eýropa chempıonatynyń fınalyn tamashalaýǵa múmkindik alady. Bul týraly búgin Qazaqstan Fýtbol federatsııasynda osy jobanyń mereıtoılyq onynshy maýsymyna arnalǵan baspasóz máslıhatynda «Coca-Cola» kompanııasynyń Orta Azııa elderi jáne Kavkaz óńirindegi úkimettik jáne qoǵamdyq baılanystary jónindegi menedjeri Oleg Pıletskıı málim etti.
«Ózderińiz biletindeı, kelesi jyly Eýropa chempıonatynyń fınaly ótedi.Eń úzdik komanda Frantsııada ótetin Eýro-2016 týrnıriniń fınalyn tamashalaı alady»,- dedi jýrnalısterdiń suraǵyna jaýap bere otyryp O.Pıletskıı. Jeńgen komandanyń baryp-kelýge, jatyn ornyna ketetin shyǵynyn túgeldeı «Coca-Cola» kompanııasy óz moınyna alady. Bul rette «Coca-Cola Bylǵary dop» jobasy týraly tolyǵyraq aıta ketsek. 2006 jyly Qazaqstan Fýtbol federatsııasy men «Coca-Cola» kompanııasynyń osy álemdik jobasy birlese otyryp, Qazaqstanda «Coca-Cola Bylǵary dop» týrnırine bastama bergen bolatyn. Álem boıynsha bul jobaǵa jyl saıyn 1 mıllıon 300 myń bala qatysady eken. Arnaıy zertteýdiń nátıjesine súıensek, bul balalardyń úshten biri, ıaǵnı, 400 myń jasóspirim - Qazaqstannyń balalary. «Coca-Cola Bylǵary dop» - elimizdegi aýqymy óte keń jarys. Sebebi jylyna 400 myń bala men jasóspirim osy joba aıasynda salamatty ómir saltyn saqtap, udaıy túrde sportqa, onyń ishinde, fýtbolǵa den qoıyp júr. 2016 jyly týrnır 10 jyldyǵyn atap ótedi. 2010 jyly týrnır FIFA-nyń arnaıy syılyǵy - Balalar men jasóspirimder arasyndaǵy eń jaqsy buqaralyq jarys syılyǵyn ıelendi. Sondyqtan 10 jyl boıy Qazaqstanda balalar men jasóspirimder arasynda fýtbolǵa osyndaı qoldaý kórsetip kele jatqan Coca-Cola kompanııasyna alǵysymdy aıtqym keledi», - dedi Qazaqstan Fýtbol federatsııasynyń prezıdenti Erlan Qojaǵapanov. «Coca-Cola Bylǵary dop» týrnıriniń taǵy bir ereksheligi - buǵan kásibı fýtbolshy balalar qatysa almaıdy. Týrnır - fýtboldy jany súıetin, qalanyń bolsyn, dalanyń bolsyn, áýesqoı fýtbolshy balalary arasynda ótetin jarys. Sondyqtan bul týrnırge tipti aýyl mektebiniń balalary mektep ishinen komanda qurap, aımaqtyq týrnırlerde, odan keıin, oblystyq týrnırdi jeńip, respýblıkalyq fınaldyq oıyndarǵa qatysa alady.
