«Coca-Cola Bylǵary dop-2013» týrnıriniń jeńimpazy OAR-daǵy búkilálemdik mını-chempıonatqa qatysady
ALMATY. 6 maýsym. QazAqparat - Búgin Almatyda balalar men jasóspirimder arasyndaǵy «Coca-Cola Bylǵary dop - 2013» fýtbol týrnıriniń aqtyq oıyn matchtarynyń jerebesi tartyldy. Kishi jas tobynyń respýblıkalyq fınaly 10-18 maýsymda Semeıde ótpek. Jalpy bul jarystyń bıylǵy jetinshi maýsymy Qazaq fýtbolynyń 100 jyldyq mereıtoıyna arnalyp otyr.
2006 jyldan beri ótip kele jatqan «Coca-Cola Bylǵary dop» týrnırin Qazaqstan fýtbol federatsııasy men «Coca-Cola» kompanııasy birlesip uıymdastyrýda. Onda joǵarǵy jas tobynyń bıylǵy jeńimpazdary fýtboldan sońǵy Álem chempıonaty ótken Ońtústik Afrıka Respýblıkasyna barmaq. Olar onda tamyz aıynda Pretorııa qalasynda balalar arasyndaǵy Álemniń mını-chempıonatynda el namysyn qorǵaıtyn bolady.
