Coca-Cola AQSh-ta 750 jumys ornyn qysqartady
ASTANA. 23 naýryz. QazAqparat - Alkogolsiz sýsyndardy óndirýshi Coca-Cola kompanııasy AQSh-taǵy qyzmetkerler sanyn qaıta qurmaq oıda.
Bul úshin amerıkalyq kásiporyndarda 750 jumys orny qysqartylatyn bolady, dep habarlady France 24.
Jumystan shyǵarylýǵa jatatyn qyzmetkerlerdiń tórtten bir bóliginen astamy qazirgi ýaqytta uıymnyń Djordjııa shtatynyń Atlanta qalasyndaǵy shtab-páterinde jumys isteýde. Kompanııa jumyskerlerdi qysqartý sonaý 2010 jyly búkil soltústikamerıkalyq naryqtaǵy basqarý júıesin biriktirý boıynsha qabyldanǵan baǵdarlamanyń aıasynda ótkizilip otyrǵanyn túsindirdi. Ony iske asyrýdan jyl saıyn 550-den 650 mln. dollarǵa deıin únemdeledi dep kútilýde.
Coca-Cola kompanııasy 1886 jyly quryldy jáne ol álemdegi alkogolsiz sýsyndardy shyǵaratyn eń iri kompanııa bolyp tabylady. Onyń ónimderi 200-den astam elde satylady. Kompanııanyń portfolıosyna 3,5 myńnan astam túrli ónimder kiredi, sonyń ishinde Coca-Cola, Fanta, Sprite gazdalǵan sýsyndary, Minute Maid lımonadtary, Burn energetıkalyq sýsyny, BonAqua mıneraldy sýy bar. Coca-Cola brendi ǵalamshardaǵy eń tanymal taýarlyq belgi bolyp tabylady. Coca-Cola Co.-nyń 2012 jylǵy taza paıdasy ótken jyldyń osyndaı kezeńimen salystyrǵanda 5 paıyzǵa, ıaǵnı 9,02 mlrd. dollarǵa deıin ósti.
