CNN Travel Almatyny álemdegi eń úzdik týrıstik baǵyttardyń biri retinde atady

ASTANA. KAZINFORM — QR Týrızm jáne sport mınıstrligi Almaty — halyqaralyq týrızm kartasyndaǵy mańyzdy baǵyt ekenin atady.

— Almaty qalasy — Qazaqstannyń negizgi týrıstik ortalyǵy. Resmı statıstıkalyq málimetterge sáıkes, 2024 jyldyń 9 aıynda qalaǵa kelgen týrıster sany 14%-ǵa artyp, 1,7 mıllıon adamǵa jetken. Onyń ishinde sheteldik týrıster sany — 507,5 myń, al ishki týrıster sany 1,2 mıllıon adamǵa jetti, — dep jazady vedomstvo.

Týrıster leginiń ósýi negizgi kapıtalǵa salynǵan ınvestıtsııanyń artýymen de qatar júredi. Týrızm salasyndaǵy negizgi kapıtalǵa salynǵan ınvestıtsııa kólemi 110,9 mlrd teńgeni quraǵan. Al sheteldik týrısterdiń shyǵyndary ishki qonaqtardyń shyǵynynan 8,7 esege kóp. Bul sheteldik meımandardyń óńir ekonomıkasy úshin asa mańyzdy aýdıtorııa ekenin kórsetedi.

Almatyny shetelden keletin qonaqtar úshin de tanymal baǵyttardyń biri deýge bolady. Eń kóp týrıster Reseı, Úndistan, Qytaı, Túrkııa jáne AQSh elderinen kelgen. Almaty qalasynyń týrıstik áleýeti halyqaralyq arenada tabysty nasıhattalyp keledi.

CNN Travel Almatyny álemdegi eń úzdik týrıstik baǵyttardyń biri retinde atasa, New York Times qalany «barýǵa turarlyq 52 orynnyń» qataryna engizdi. Sondaı-aq Conde Nast Traveller Italia «Shymbulaqty» qysqy sporttyń úzdik orny qataryna qosty.

Buǵan deıin habarlanǵandaı, «Shymbulaq» taý-shańǵy kýrortyna byltyr 1,5 mıllıon qonaq kelgen.