CNN: Iranǵa qarsy sanktsııalardy kezeń-kezeńimen kúsheıtý nátıje bermeýi múmkin
ASTANA. KAZINFORM — AQSh ákimshiliginiń Irandy ekonomıkalyq oqshaýlaýǵa baǵyttalǵan sanktsııalyq saıasaty Tegeran ekonomıkasyna aıtarlyqtaı áser ete almaýy múmkin. Bul týraly sarapshylardyń pikirine silteme jasap, IRNA agenttigi habarlady.
CNN telearnasynyń málimetinshe, sanktsııalardy birtindep ári saqtyqpen kúsheıtý Irannyń qarjy jáne óndiris júıesine sheshýshi soqqy bere almaıdy. Sebebi el ekonomıkasy sońǵy elý jyl ishinde halyqaralyq shekteýlerdiń túrli formalaryna beıimdelip úlgergen.
Sarapshylardyń pikirinshe, Iran uzaq ýaqyt boıy sanktsııalyq qysym jaǵdaıynda jumys isteýdiń tetikterin qalyptastyrǵan. Sondyqtan jańa shekteýler engizilgenimen, olardyń áseri burynǵydaı birden ári aýqymdy bolmaýy yqtımal.
Bul rette AQSh-tyń Iranǵa qatysty ekonomıkalyq qysymdy kúsheıtý áreketi eki el arasyndaǵy saıası teketirestiń mańyzdy tetikteriniń biri bolyp qala beredi. Al Tegeran óz ekonomıkasyn syrtqy qysymǵa barynsha tózimdi etý saıasatyn jalǵastyryp keledi.
Al Netanıahý Iran bıligin qulatýdy Izraıldiń basty mindeti dep ataǵan bolatyn.
