CNN arnasynyń negizin qalaýshy Ted Terner 87 jasynda dúnıeden ótti
ASTANA. KAZINFORM — Amerıkanyń jetekshi medıa-arnasy CNN-niń negizin qalaýshy, telejýrnalıstıkaǵa 24 saǵattyq habar taratý tujyrymdamasyn ákelgen tulǵa Ted Terner 87 jasynda qaıtys boldy, dep habarlaıdy Anadoly.
Ted Terner medıa salasyndaǵy mansabyn 24 jasynda bastaǵan. Medıamagnat 1980 jyly 1 maýsymda álemdegi alǵashqy 24 saǵattyq jańalyq taratatyn telearna CNN-di qurdy. Sol arqyly medıa ındýstrııasynda jańa baǵyt ashty.
Sol kezde jańalyqtar tek belgili saǵattarda beriletinin eskersek, bul óte jańashyl kontseptsııa boldy. Keıin bul tájirıbe búkil álemde qoldanysqa endi.
Terner CNN-di «ómirindegi eń úlken jetistik» dep ataǵan jáne 1996 jyly óz telearnasyn «Warner Bros. Discovery» kompanııasyna (burynǵy «Time Warner») satqan.
AQSh prezıdenti Donald Tramp áleýmettik jelidegi málimdemesinde CNN búgingi tańda Ternerdiń barlyq isine tolyq qarama-qaıshy keledi dep atap ótti.
Tramp sondaı-aq Ternerdi teleradıohabar taratý tarıhyndaǵy eń uly tulǵalardyń biri dep baǵalady.
Bıyl qańtar aıynda «Úıde jalǵyz» fılminiń juldyzy Ketrın O’Hara dúnıeden ótken edi.
