«Classic» radıosyna - 2 jyl
ASTANA. 4 maýsym. QazAqparat - Qazaqstan men Ortalyq Azııa aımaǵyndaǵy klassıkalyq mýzyka radıostansysyna eki jyl toldy.
Osydan eki jyl buryn Qazaqstan áýe tolqyny keńistiginde buryn-sońdy bolmaǵan «Klassıka» radıosy dúnıege keldi. «Klassıka» radıosynyń maqsaty - akademııalyq mýzyka mádenıetin barlyq qazaqstandyq tyńdarmandardyń rýhanı azyǵyna aınaldyrý.
«Ýaqyt eleginen jáne synynan ótken, kóptegen ǵasyrlar men ondaǵan jyldar boıy bizdiń álemge úılesimdik pen sulýlyq syılaıtyn mýzykanyń áýe tolqynynan estilip jatqany úshin men baqyttymyn. Klassıkalyq mýzyka jeke tulǵanyń zııatkerlik áleýetin, al bútindeı alǵanda bizdiń qoǵamnyń adamı resýrsyn arttyrady», - deıdi atalmysh radıony qurý ıdeıasynyń avtory, Qazaqstan Respýblıkasynyń Halyq artısi Jánııa Áýbákirova.
Klassıka radıosy Almatydan 102.8 jıiliginde habar taratady. Áýe tolqynynyń kontentin joǵary kásibı deńgeıdegi akademııalyq klassıkalyq mýzyka quraıdy. Efırdegi júrgizýshiler - kásibı mýzykanttar. Tyńdarmandar mádenıet áleminiń sońǵy jańalyqtarynan jáne alda bolatyn kontsertter men festıvalderden qulaǵdar bolý úshin, 102.8 jıiligin tyńdaýǵa nıettenedi. Bul radıoda belgili kınotanýshy Oleg Boretskıımen birge ózińiz qasterleıtin fılmderden úzdik áýender tyńdaýǵa bolady. Karına Abdýllına júrgizetin baǵdarlamada otandyq jáne sheteldik oryndaýshylarmen kezdesesiz. Al Dıana Makına jáne Vladımır Osıpovpen birge djaz standarttary men djaz ańyzdaryn eske alýǵa bolady.
Eki jyldan beri táýligine 24 saǵat boıy 102.8 jıiliginde álemdik klassıkalyq mýzykanyń biregeı týyndylary «Klassıka» radıosynyń áýe tolqynynda qalyqtap keledi.
