CQO polıtseıleri eki boıjetkendi qaǵyp ketken júrgizýshini izdeýde
PETROPAVL. QazAqparat - Soltústik Qazaqstan oblysynyń polıtseıleri túngi klýbtyń aldynda eki boıjetkendi qaǵyp ketken «Leksýs» júrgizýshisin izdestirip jatyr, dep habarlaıdy QazAqparat tilshisi.
Іshki ister departamenti baspasóz qyzmetiniń aqparaty boıynsha, júrgizýshi oqıǵa ornynan qashyp ketken.
«Avtokólik ıesin izdeýge baǵyttalǵan jedel is-sharalar júrgizilip jatyr. Tergeý barysynda «Leksýs» jolaýshylary men oqıǵa kýágerlerinen jaýap alyndy. Olardyń aıtýymen avtokólik apatynyń mán-jaıy anyqtaldy. Jol-kólik oqıǵasy faktisi boıynsha sot saraptamasy taǵaıyndaldy. Sotqa deıinshi tergeýdiń materıaldary oblystyq ishki ister departamenti tergeý basqarmasyna berilip, vedomstvo basshylyǵynyń baqylaýyna alyndy», - dep túsindirdi baspasóz qyzmetinen.
Eske salaıyq, jol-kólik oqıǵasy 15 qyrkúıekte tańǵy saǵat tórt jarymda Petropavl ortalyǵyndaǵy túngi klýbtyń mańynda bolǵan. «Leksýs» júrgizýshisi eki qyzdy qaǵyp ketti. Ekeýi de aýyr halde. QR QK «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» qylmystyq baby boıynsha sotqa deıingi tergeý júrip jatyr.
