CQO qurylys, sáýlet jáne qala qurylysy basqarmasyna jańa basshy taǵayndaldy

PETROPAVL. KAZINFORM – Soltústik Qazaqstan oblysy ákiminiń Qazaqstan Respýblıkasy Memlekettik qyzmet isteri agenttigimen kelisilgen ókimine sáıkes Birjan Saılaýuly Kósherbaev qurylys, sáýlet jáne qala qurylysy basqarmasynyń basshysy bolyp taǵaıyndaldy.

a
Foto: SQO ákimdigi

SQO ákimdiginiń málimetinshe, Birjan Kósherbaev 32 jasta. SQO Aqqaıyń aýdany Rýblevka aýylynyń týmasy. Ulttyq bıznes ınstıtýtyn «Quqyqtaný» mamandyǵy boıynsha támamdaǵan.

Eńbek jolyn SQO boıynsha Memlekettik sáýlet-qurylys baqylaý jáne lıtsenzııalaý departamentinde zańger kómekshisi bolyp bastaǵan. 

Ár jyldary oblys ákiminiń bas ınspektory, oblystyq memlekettik sáýlet-qurylys baqylaý jáne lıtsenzııalaý basqarmasynyń basshysy, Petropavl qalasy ákiminiń orynbasary, oblystyq qurylys basqarmasy basshysynyń orynbasary qyzmetterin atqarǵan. 

Osy taǵaıyndaýǵa deıin jeke kásippen aınalysty.

Buǵan deıin Ádilet Turǵanbaev QR týrızm jáne sport vıtse-mınıstri bolyp taǵaıyndalǵanyn jazǵan edik.