CQO-daǵy jol apatynan eki polıtseı kóz jumdy
PETROPAVL. KAZINFORM – Soltústik Qazaqstan oblysy Ǵabıt Músirepov aýdanyndaǵy jol-kólik oqıǵasynan eki adam qaza tapty.
SQO polıtsııa departamenti baspasóz qyzmetiniń málimetinshe, «Chıstopole-Shóptikól» avtojolynda Chevrolet Cobalt jáne Toyota Camry avtokólikteri soqtyǵysyp qalǵan. Eki júrgizýshi de sol jerde mert boldy. Osy faktige qatysty qylmystyq is qozǵaldy.
Qazirgi ýaqytta bolǵan oqıǵanyń mán-jaıyn anyqtaý maqsatynda tergeý amaldary júrgizilip jatyr.
– Eki marqum da ishki ister organdarynyń qyzmetkerleri jáne olar qyzmettik mindetterin atqarý barysynda qaza tapty. Polıtsııa departamenti olardyń týystary men jaqyndaryna qaıǵyryp, kóńil aıtady, - delingen baspasóz habarlamasynda.
Buǵan deıin Qyrǵyzstanda jol apatynan zardap shekken qazaqstandyq elge jetkizilgenin jazǵan edik.