CQO-da joǵalǵan 300 jylqy tabyldy
PETROPAVL. QazAqparat – Soltústik Qazaqstan oblysynda jaıylymnan joǵalǵan 300 jylqy tabylyp, ıelerine qaıtaryldy, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, jyl basynan oblysta mal urlyǵyna qatysty 80 derek tirkeldi. Túliktiń basym bóligi jaıylymnan joǵalǵan.
«Polıtsııa departamentiniń bireýdiń múlkin urlaýǵa qarsy 2019-2020 jyldarǵa arnalǵan is-qımyl baǵdarlamasy bar. Vedomstvolyq joba aıasynda mal urlyǵyn ashý jáne aldyn alý boıynsha keshendi is-sharalar júzege asyrylady», - deıdi SQO PD krımınaldyq polıtsııa basqarmasynyń bastyǵy Petr Klımov.
Tártip saqshylarynyń aıtýy boıynsha, mal kóbine jaıylymda qaraýsyz qalǵanda urlanady.
«Mal urlanǵanda ıeleri birden polıtsııaǵa habarlamaı, alǵashqy kúnderi ózderi izdep tappaq bolady. Bul tártip saqshylarynyń jumysyn qıyndatady. Urylardy alysqa uzatpaı ustaý múmkindiginen aıyrady», - deıdi polıtseıler.
Aqjar aýdanynda qazan aıynda 300 jylqy joǵaldy. Tártip saqshylary maldy taýyp, ıelerine qaıtardy. Osy aýdannan budan basqa 49 jylqy urlanyp, izdestirilip jatyr. Túlik baǵylmaı, erkin jaıylymda bolǵan. Osyǵan uqsas jaǵdaı Jambyl aýdanynda tirkeldi. Qaraýsyz jaıylyp júrgen 46 jylqynyń qaıda ketkeni belgisiz. Osyǵan baılanysty qazir jedel-izdestirý sharalary qolǵa alyndy.
Málim bolǵandaı, urylar maldy qoradan da alyp ketedi. Bıyl jyl basynan oblysta osylaısha 18 mal qoldy bolǵan.
