CQO-da shetel azamattary mingen eki avtobýs jolda synyp qaldy
PETROPAVL. QazAqparat - Coltústik Qazaqstan oblysynda jergilikti polıtsııa qyzmetkerleri aıazdy kúnderi eki avtobýstyń jolaýshylaryna kómek kórsetti, dep habarlaıdy QazAqparat tilshisi.
Polıtsııa departamenti baspasóz qyzmetiniń málimetinshe, aıazdy túnder eki avtobýs jolaýshylary úshin qaıǵyly bolýy ábden múmkin edi.
Túrkistan oblysynan Ekaterınborǵa jol júrgen VAN HOOL jolaýshylar avtobýsy jolda synyp, Petropavldyń Rabochıı kentine jaqyn jerde turyp qalǵan. Onyń ishinde jeńil kıingen 54 jolaýshy - Tájikstan jáne Ózbekstan azamattary bolǵan. Jol polıtseıleri avtobýs júrgizýshisine tehnıkalyq qyzmet kórsetý sheberin tabýǵa kómektesip, qosalqy bólikter satatyn dúkenderge baryp shyqqan. Jolaýshylar jaldamaly úıge jetkizilip, onda jyly jerde otyryp, jóndeý jumystarynyń aıaqtalǵanyn kútti. Kúndiz jáne túnde avtobýsty úsh kólik patrýli aýysymmen kúzetip otyrǵan.
«Kelesi túni keshki saǵat 22:30-da arasynda kámelettik jasqa jetpegen segiz adam bolǵan 15 jolaýshysy bar Scania avtobýsynyń janarmaı jetkizý júıesi isten shyqty. Aqqaıyń jáne Taıynsha aýdany patrýldik polıtsııa batalonynyń kólik patrýlderi táýlik boıy kezekshilik uıymdastyryp, avtobýs ıesine onyń synǵanyn habarlady, balalardy Taıynsha qalasyna jetkizdi. Taıynsha aýdany atqarýshy bıliginiń kómegimen jolaýshylar jergilikti qonaqúıge ornalastyrylǵan. Avtobýs jóndelgen soń, jolaýshylar qaıta jolǵa shyqqan», - dep baıandady baspasóz qyzmetinen.
Jergilikti polıtsııa qyzmeti basqarmasy bastyǵynyń orynbasary Aıdyn Baımatovtyń aıtýynsha, aımaqta aýa temperatýrasynyń tómendeýi sebebimen barlyq kólik patrýlderi táýlik boıy monıtorıng júrgizip, júrgizýshiler arasynda qala syrtyndaǵy kúre joldardyń jaǵdaıy týraly suraý júrgizýde.
Avtor: Olesıa Jýkoven
