CQO-da polıtseıler kúsheıtilgen qyzmet rejımine kóshti
PETROPAVL. QazAqparat – Soltústik Qazaqstan oblysynda polıtseıler elde tótenshe jaǵdaıdyń engizilýine baılanysty kúsheıtilgen jumys tártibine kóshti, dep habarlaıdy QazAqparat tilshisi.
SQO Polıtsııa departamenti baspasóz qyzmetiniń málimetinshe, quqyqtyq tártipti qamtamasyz etý maqsatynda kezekshilik atqaratyn jasaqtardyń sany kóbeıtildi.
«Petropavl qalasynda ǵana qoǵamdyq tártipti saqtaýǵa 200-deı adam jumyldyryldy. Olardyń ishinde áskerı qyzmetshiler de bar. Halyqtyń tólqujatty jasatýǵa qatysty suranysynyń artýyna baılanysty Kóshi-qon qyzmetin kórsetý ortalyǵynda qosymsha jumys oryndary ashyldy. Tek demalys kúnderi ǵana memlekettik qyzmettiń osy túrine baılanysty 200-deı soltústikqazaqstandyq qyzmetkerlerdiń kómegine júgindi», - deıdi SQO PD bastyǵynyń birinshi orynbasary Qanat Aıtbaev.
Tártip saqshylarynyń aıtýynsha, eldegi epıdemıologııalyq jaǵdaıǵa baılanysty koronavırýstyń taralǵandyǵy jóninde kóptegen jalǵan habarlamalar taratyla bastaǵan. Polıtseıler jalǵan aqparatty taratqandardyń qylmystyq jaýapqa tartylatyndyǵyn eske salady. Olar zań boıynsha 1 myń AEK mólsherinde aıyppul tóleıdi nemese bir jylǵa deıin bas bostandyǵynan aıyrylýy múmkin.
