CQO-da kóktemgi sý tasqyny qarsańynda gıdroposttarda josparly baqylaý bastaldy
PETROPAVL. KAZINFORM – Soltústik Qazaqstan oblysynda «Qazgıdromet» RMK fılıalynyń gıdrologtary 24 aqpannan 7 naýryzǵa deıin gıdroposttar jelisinde josparly baqylaý jumysyn júrgizedi.
Óńirde barlyǵy 22 gıdrologııalyq beket bar, onyń úsheýi bıyl 1 aqpannan bastap ashylǵan. Bul beketterde nıvelırleý jumysy júrgiziledi.
Mamandardyń aıtýynsha, gıdrologııalyq beketti nıvelırleý sý deńgeıine baqylaý júrgiziletin sý ólshegish qurylǵylardyń bıiktigin anyqtaý úshin qajet.
Bul jumys sý nysandarynyń jaı-kúıi týraly, onyń ishinde sý tasqyny kezinde de dálirek málimetter alýǵa múmkindik beredi.
Sonymen qatar, sý tasqyny kezeńinde derekterdiń joǵary sapasyn qamtamasyz etetin gıdropost qyzmetkerlerimen tehnıkalyq oqý júrgiziledi.
Esterińizge salaıyq, buǵan deıin SQO-daǵy Sergeevka sý qoımasynda sý deńgeıi byltyrǵydan 86 sm artyp, tasyp jatqanyn jazǵan edik.
