CQO-da ınternet arqyly esirtki satýshy ustaldy
PETROPAVL. QazAqparat - Petropavlda sıntetıkalyq esirtkini taratýshy qolǵa tústi. Qala polıtseıleri 29 jastaǵy turǵyndy tekserý kezinde odan 30-dan astam oramany tapqan, dep habarlaıdy QazAqparat.
Polıtsııa departamenti baspasóz qyzmetiniń habarlaýynsha, esirtki taratýshyny turǵyndardyń qyraǵylyǵynyń arqasynda ustaý múmkin bolyp otyr. Qolǵa túsken jigittiń aıtýynsha, ol oramalardyń ishinde ne bar ekenin bilmegen. Internet arqyly tapsyrysty qabyldap, aıtqan jerlerine paketterdi taratyp otyrǵan.
"Esirtkige qatysy bar ma dep suraǵanda, joq, qobaljymaı jumys isteı ber",- dep aıtty deıdi ustalǵan kúdikti.
"Tekserý kezinde jigitten 4 orama shyqty, sondaı-aq, sómkesinen taǵy 34 paketti aldyq. Keıin esirtki oramalaryn qaıda tastaǵanyn kórsetti. Ol azamat QR QK 296 babynyń 2 taraýy boıynsha qamaýǵa alyndy", - deıdi SQO PD esirtki bıznesine qarsy kúres basqarmasynyń bastyǵy Jandos Basybaev.
Al oblys ortalyǵynyń 22 jastaǵy turǵyny esirtki saıttarynyń ataýyn ǵımarat qabyrǵalaryna salyp jarnamalaǵany úshin ákimshilik jazaǵa tartylady. Tártip saqshylary boıjetkendi qabyrǵaǵa jazyp jatqan jerinen ustady. Qyzdyń aıtýynsha, ol da tapsyrysty ınternet arqyly alǵan. Esirtki saıttarynyń 100-ge jýyq siltemesin taratyp úlgeripti. Endi ol 200 myń teńge kóleminde aıyppul tóleıdi.
