CQO-da halyq alǵash ret aýdan ákimin ózderi saılady
ASTANA. KAZINFORM – SQO-da Qyzyljar aýdany ákiminiń saılaýy ótip, nátıjesi shyqtyPETROPAVL. KAZINFORM - Soltústik Qazaqstan oblysy Qyzyljar aýdany ákimin saılaý qorytyndysy boıynsha Beıbit Ismanov jeńiske jetti.
SQO Qyzyljar aýdany ákiminiń saılaýy 10 tamyzda ótti.
Qyzyljar aýdanynyń aýmaqtyq saılaý komıssııasynyń málimetinshe, aýdan ákimine úsh úmitker boldy, olar: Mamlıýt aýdany ákiminiń orynbasary Sanat Áýbákirov, Qyzyljar aýdany ákiminiń orynbasary Beıbit Ismanov jáne SQO Іshki saıasat basqarmasynyń basshysy Asqar Habıbýlın.
Saılaýshylar tiziminde 31 661 azamat bolsa, daýys berýge 18 myńǵa jýyǵy keldi jáne saılaý ýchaskesinen tys 500-ge jýyq saılaýshy qatysty.
Nátıjesinde, Sanat Áýbákirov 2 549 daýys jınady, Beıbit Ismanovqa saılaýshylardyń 11 771 daýys berdi. Asqar Habıbýlın 1 671 daýys jınady.
«Barlyǵyna qarsy» belgisi bar bıýlletender sany 1 310 boldy
Saılaý qorytyndysy boıynsha Qyzyljar aýdanynyń ákimi bolyp Beıbit Ismanov saılandy.
Beıbit Ismanov 1971 jyly Almaty qalasynda dúnıege kelgen.
«Avtomobıl kóliginiń ınjener-mehanıgi» mamandyǵy boıynsha M.Qozybaev atyndaǵy Soltústik Qazaqstan memlekettik ýnıversıtetin, «Quqyq bakalavry» mamandyǵy boıynsha Máskeý zamanaýı gýmanıtarlyq ınstıtýtyn, «Memlekettik jáne mýnıtsıpaldyq basqarý magıstri» mamandyǵy boıynsha Reseı Federatsııasy Prezıdenti janyndaǵy Reseı halyq sharýashylyǵy jáne Memlekettik qyzmet akademııasyn bitirgen.
Eńbek jolyn 1988 jyly Petropavl qalasynyń PMK-76-da bastaǵan.
1996-2000 jyldary - Petropavl qalasy «Imstalkon» AAQ OTS ınjeneri.
2000-2001 jyldary - Petropavl qalasy «Kishi qonaq úı» MKK dırektorynyń orynbasary, dırektory.
2002-2008 jyldary - Petropavl qalasy ákiminiń kómekshisi, Petropavl qalasy ákimi apparatynyń basshysy.
2008-2012 jyldary - Soltústik Qazaqstan oblysynyń jolaýshylar kóligi jáne avtojoldar basqarmasy basshysynyń orynbasary qyzmetin atqardy.
2012-2018 jyldary - Soltústik Qazaqstan oblysynyń jolaýshylar kóligi jáne avtomobıl joldary basqarmasynyń basshysy boldy.
2018-2020 jyldary - Soltústik Qazaqstan oblysy Aıyrtaý aýdanynyń ákimi laýazymyn atqardy.
2020-2025 jyldary SQO Tabıǵı resýrstar jáne tabıǵat paıdalanýdy retteý basqarmasynyń basshysy boldy.
Buǵan deıin Beıimbet Mýsın Batys Qazaqstan oblysy energetıka jáne turǵyn úı-kommýnaldyq sharýashylyq basqarmasyn basqaratynyn jazǵan edik.