CQO bıoetanol zaýyty bıyl óndiristi 2,5 ese arttyrady
SQO ákimi Qumar Aqsaqalov Taıynsha aýdanynda bolyp, osyndaǵy iri kásiporyndar - «Bio operations» zaýytynyń, shoshqa kesheniniń jáne «EMC agro» et kombınatynyń jumysyn kórdi.
Bul jaıynda ol óziniń áleýmettik jelidegi paraqshasynda jazdy.
«Úsh kásiporyn 2021 jyldy oń nátıjemen aıaqtap, bıýdjetke 1 mlrd teńgege jýyq salyq pen mindetti tólemderdi aýdardy. «Bio operations» zaýyty ótken jyly 3 myń tonna bıoetanol óndirse, bıyl óndiristi 2,5 esege ósirmek. Sondaı-aq 6 myń tonna glıýten men 23 myń tonna krahmal óndirildi, olardyń kólemi de aıtarlyqtaı ulǵaıady. Bir osy zaýytta ǵana 500-den astam adam jumys isteıdi», - dedi oblys ákimi.
Taıynshada óńirdegi eń iri shoshqa kesheni ornalasqan.
«Ótken jyly shoshqa kesheniniń jańa ǵımarattary salynyp, qýattylyǵy 50 myńnan 100 myń basqa deıin ósti. Keshende 180 adam jumys isteıdi. Mal sanyn 200 myń basqa deıin arttyrý jobasy ázirlendi. Qurylys jumystary kóktemde bastalady. Et kombınaty 132 adamdy jumyspen qamtamasyz etip otyr. Kúnine 1,5 tonnaǵa deıin shujyq ónimderi men jartylaı fabrıkattar shyǵarylady. Kásiporyn óndiristi ulǵaıta beredi, óıtkeni ımporttyq taýardy almastyrý qajet. Búginde Qazaqstanda shujyq ónimderimen qamtamasyz etý 68 %-dy quraıdy. ıAǵnı, shujyq ónimderiniń 32 %-y basqa elderden ákelinedi. Et óńdeý úlesin kóbeıtý jumystary jalǵasady», - dep jazdy Qumar Aqsaqalov.
