CITIC Group basshysy Sı Gohýa «Dostyq» II dárejeli ordenimen nagradtaldy
BEIJІŃ. KAZINFORM – Qytaıdyń CITIC Group korporatsııasy dırektorlar keńesiniń tóraǵasy Sı Gohýa eki el arasyndaǵy ekonomıkalyq yntymaqtastyqty damytýǵa qosqan úlesi úshin «Dostyq» II dárejeli ordenimen nagradtaldy, dep habarlaıdy Kazinform-nyń Beıjińdegi menshikti tilshisi.
Qazaqstan Prezıdenti Qasym-Jomart Toqaevtyń atynan joǵary memlekettik nagradany Qazaqstan Respýblıkasy Premer-mınıstriniń birinshi orynbasary Nurlybek Nálibaev Qytaıdaǵy Qazaqstan elshiliginde tabystady.
-«Dostyq» ordenin tabystaý qazaq-qytaı qatynastarynyń berik ekenin kórsetetin taǵy bir sımvolǵa aınalyp, CITIC Group-pen yntymaqtastyqty odan ári keńeıtýge qosymsha serpin beredi, – dep atap ótti Nurlybek Nálibaev.
Sı Gohýa Qazaqstan basshylyǵy men halqyna alǵysyn bildirdi. Ol nagradany eki eldiń isker toptarynyń joǵary deńgeıde qol jetkizilgen ýaǵdalastyqtardy iske asyrý jolyndaǵy birlesken kúsh-jigeriniń moıyndalýy dep baǵalaıtynyn aıtty.
Buǵan deıin Qazaqstan Prezıdenti Dúnıejúzilik keden uıymynyń bas hatshysyn «Dostyq» II dárejeli ordenimen nagradtaǵany habarlanǵan edi.
